پاکستان
05 اگست ، 2022

پی ٹی آئی کارکنوں کا شاہ محمود کی بیٹی کو قومی اسمبلی کا ٹکٹ دینے کیخلاف احتجاج

شاہ محمود قریشی کو اپنی بیٹی کے علاوہ کوئی امیدوار نظر نہیں آیا: پی ٹی آئی رہنما۔ فوٹو اسکرین گریب
شاہ محمود قریشی کو اپنی بیٹی کے علاوہ کوئی امیدوار نظر نہیں آیا: پی ٹی آئی رہنما۔ فوٹو اسکرین گریب

ملتان میں پی ٹی آئی کارکنوں کی جانب سے شاہ محمود قریشی کی بیٹی اور حلقہ این اے 157 سے پارٹی امیدوار مہر بانو قریشی کے خلاف احتجاج کیا گیا۔

ملتان میں پی ٹی آئی کارکن اپنی ہی پارٹی امیدوار  مہر بانو قریشی کے خلاف الیکشن کمیشن آفس کے باہر احتجاجی مظاہرہ کرنے پہنچ گئے اور موروثی سیاست نا منظور نامنظور کے نعرے لگائے۔

پی ٹی آئی کارکنوں کا کہنا ہے کہ تحریک انصاف نے موروثی سیاست کے خاتمے کی بات کی تھی، پی پی 217 ملتان میں بھی شاہ محمود نے اپنے بیٹے زین قریشی کو ٹکٹ دیا، این اے 157 میں بھی اپنی بیٹی کو ٹکٹ دے دیا، شاہ محمود قریشی کو اپنی بیٹی کے علاوہ کوئی امیدوار نظر نہیں آیا؟

پاکستان تحریک انصاف کے مقامی رہنما انجینئر وسیم عباس کا کہنا ہے کہ اگر پارٹی نے ٹکٹ نہ دیا تو آزاد حیثیت سے الیکشن لڑوں گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM