شہباز گل مکمل طور پر ہشاش بشاش اور ہوش میں ہیں، نئی میڈیکل رپورٹ جاری

پاکستان تحریک انصاف (پی ٹی آئی)  کے رہنما شہباز گل کی نئی میڈیکل رپورٹ جاری کردی گئی۔

پمز کی میڈیکل رپورٹ کے مطابق شہبازگل مکمل طور  پر ہشاش بشاش اور ہوش میں ہیں اور بالکل نارمل ہیں۔

شہباز گل پر جنسی تشدد ہوا نہ جسمانی، پولیس کی تحقیقاتی رپورٹ سامنے آگئی

تحقیقاتی رپورٹ میں کہا گیا ہےکہ شہباز گل پر جنسی تشدد کی تصدیق کوئی بھی ماہر نہیں کرسکا

میڈیکل رپورٹ میں بتایا گیا ہےکہ بورڈ نے شہباز گل کا مکمل جسمانی طبی معائنہ کرنا چاہا لیکن انہوں نے انکار کر دیا، شہباز گل نے صرف سینےکا طبی معائنہ کرنے کی اجازت دی۔

میڈیکل رپورٹ کے مطابق شہباز گل نے تسلیم کیا کہ ان کی صحت نیبولائز کرنے سے بہتر ہوئی، شہباز گل کے تمام خون کے نمونے نارمل ہیں، بورڈ نے چھاتی کے ایکسرے اور چند ٹیسٹ کرانے چاہے لیکن شہباز گل نے انکار کردیا۔

رپورٹ میں کہا گیا ہےکہ مریض کو معمولی نوعیت کی سینےکی تکلیف ہے جس کی کوئی علامات نہیں ہیں، شہباز گل ڈسچارج ہونے کے لیے مکمل فٹ ہیں۔

میڈیکل رپورٹ شہبازگل کا معائنہ کرنے والے 6 رکنی میڈیکل بورڈ نے تیار کی ہے۔

باندھ کر شیو بنائی گئی، زبردستی کیلا کھلایا گیا، شہباز گل کا عدالت میں بیان

کل رات 12 بندے میرے کمرے میں آئے، مجھے پکڑا اور زبر دستی کیلا کھلایا اور جوس پلایا: شہباز گل

شہباز گل پر تشدد میں جنسی زیادتی بھی شامل ہے، انہیں توڑنے کیلئے ذلیل کیا گیا: عمران خان

اسلام آباد پولیس کہتی ہے اس نے کوئی تشدد نہیں کیا، میرا سوال یہ ہے شہباز گل پر تشدد کس نے کیا؟ عوام میں اور ہمارے ذہنوں میں ایک خیال ہے کہ اتنا بھیانک تشدد کون کرسکتا ہے: عمران خان