دلچسپ و عجیب
29 ستمبر ، 2022

11 لاکھ کی خریدی ہوئی گاڑی کی مرمت کا بل 22 لاکھ روپے نکل آیا، شہری پریشان

گاڑی اور مرمت کا بل—فوٹو: بھارتی میڈیا
گاڑی اور مرمت کا بل—فوٹو: بھارتی میڈیا

بھارتی شہر بنگلور میں گزشتہ دنوں شدید بارشوں کی وجہ سے نظام زندگی درہم برہم ہوگیا، جہاں سڑکوں اور مکانوں کو نقصان پہنچا وہیں پارکنگ میں کھڑی گاڑیاں بھی بارش کے پانی کی زد میں آئیں۔

بھارتی میڈیا رپورٹس کے مطابق بنگلور کے رہائشی انیرودھ گنیش کی گاڑی بھی پارکنگ میں شدید بارشوں کا پانی کھڑے ہونے کی وجہ سے خراب ہوئی تاہم جب انہوں نے گاڑی کے سروس سینٹر میں اپنی گاڑی ٹھیک ہونے کے لیے بھیجی تو کچھ دن بعد آٹور ورکشاپ سے 22 لاکھ بھارتی روپےکا بل بھیج دیا گیا جسے دیکھ کر وہ حیران و پریشان ہوگئے۔

 گنیش نے اپنے ساتھ پیش آئے واقعے کو ایک سوشل میڈیا پوسٹ کے ذریعے لوگوں سے شیئر کیا اور کہا کہ بارش کی وجہ سے گاڑی خراب ہونے کی وجہ سے وہ ٹوئنگ کرکے خود گاڑی سروس سینٹر چھوڑ کر آئے۔

فوٹو:فائل
فوٹو:فائل

تاہم 20 دن کے بعد سروس سینٹر نے مجھے 22 لاکھ بھارتی روپے کی مرمت کا بل بھیج  دیا جسے دیکھ کر میں پریشان ہوگیا کیوں کہ  انہوں نے یہ گاڑی 11 لاکھ روپے کی خریدی تھی اور اس کی مرمت کیلئے اب 22 لاکھ کا خرچہ ہوگیا۔

رپورٹس کے مطابق گنیش کی گاڑی انشورڈ تھی تاہم انہیں سروس سینٹر سے اپنی گاڑی لینے اورگاڑی  کے نقصان کے بارے میں دستاویزات جاری کرنے کے لیے مزید  تقریباً 45ہزار بھارتی روپے کی فیس ادا کرنے کو کہا گیا۔

بھارتی شہری نے انشورنس اور گاڑی کی کمپنی کو بھی کئی ای  میلز کیں پر کوئی مدد نہیں مل سکی،تاہم انہوں نے شہریوں سے درخواست کی کہ وہ ان کی پوسٹ کو زیادہ سے زیادہ شیئر کریں تاکہ کسی طرح حکام تک یہ بات پہنچ جائے اور انشورنس کی رقم اور گاڑی واپس مل سکے۔

تاہم بعد ازاں گنیش نے بتایا کہ سروس سینٹر کی جانب سے نقصان کی معلوت کے سرٹیفیکٹ جاری کرنے کی فیس کم کرکے 5 ہزار روپےکردی گئی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM