19 فروری ، 2012 
بی پی ایل: کھلنا رائل بنگالز نے ڈھاکا گلیڈی ایٹرز کو 7 وکٹوں سے ہرادیا
19 فروری ، 2012
چٹاگانگ…بنگلا دیش پریمئر لیگ کے ایک میچ میں چندر پال کی شاندار بیٹنگ کے باعث کھلنا رائل بنگالز نے ڈھاکا گلیڈی ایٹرز کو 7 وکٹوں سے شکست دے دی۔ ظہور احمد چوہدری اسٹیڈیم میں کھیلے گئے ایونٹ کے 17 ویں میچ میں ڈھاکا گلیڈی ایٹرز نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 140 رنز بنائے۔ محمد اشرفل 53 اور اظہر محمود 33 رنز کے ساتھ نمایاں رہے۔ جے سوریا نے دو کھلاڑیوں کو آؤٹ کیا۔ جواب میں کھلنا رائل بنگالز نے مطلوبہ ہدف 16.4اوورز میں 3وکٹوں کے نقصان پر پورا کرلیا۔کھلنا رائل بنگالز کے اننگز کی خاص بات شیونارائن چندرپال کی جارحانہ بیٹنگ تھی، انہوں نے 14 چوکوں اور ایک چھکے کی مدد سے 75 گیندوں پر 87 رنز کی ناقابل شکست اننگز کھیلی۔آج کا دوسرا میچ بریسال برنرز اور سلہٹ رائلز کے درمیان پاکستانی وقت کے مطابق شام ساڑھے پانچ بجے کھیلا جائے گا۔ ایونٹ کے تمام میچز جیو سوپر پر براہ راست نشر کیے جارہے ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
