08 اکتوبر ، 2022 
پاکستان
فوٹو: اسکرین گریب
کراچی میں بسکٹ بنانے والی فیکٹری میں آگ لگ گئی
08 اکتوبر ، 2022
کراچی کے علاقے کورنگی انڈسٹریل ایریا میں بسکٹ بنانے والی فیکٹری میں آگ لگ گئی، آگ گیس کے پائپ میں لیکیج کے باعث لگی، آگ کو 4 فائر ٹینڈر کے زریعے بجھادیا گیا۔
پولیس کے مطابق کورنگی انڈسٹریل ایریا میں بروکس چورنگی کے قریب بسکٹ بنانے کی فیکٹری میں آگ لگ گئی، فائر بریگیڈ کا 1 فائرٹینڈر آگ بجھانے کیلئے پہنچا جس کے بعد آگ کی شدت دیکھتے ہوئے مزید 3 فائر ٹینڈر آگ بجھانے کیلئے پہنچ گئے۔
ریسکیو ذرائع کا کہنا ہے کہ فائر فائٹرز نے کچھ دیر کی جدوجہد کے بعد آگ کو بجھادیا، آگ سے کوئی جانی نقصان نہیں ہوا، آگ گیس کے پائپ میں لیکیج کے باعث لگی۔
