09 اکتوبر ، 2022 
پاکستان
فوٹو: اسکرین گریب
کراچی: بچے کی تیز رفتار ڈرائیونگ، نئی گاڑی قلابازیاں کھا کر اُلٹ گئی
09 اکتوبر ، 2022
عید میلاد النبی ﷺ کے موقع پر سڑکوں پر سناٹا ہے جب کہ تیز رفتاری کے سبب شارع فیصل پر کار کو خوفناک حادثہ پیش آیا ہے۔
پولیس کے مطابق ریجنٹ پلازہ کے قریب تیز رفتار گاڑی قلابازیاں کھاتے ہوئے اُلٹ گئی، اس نئی کار کو بچہ چلا رہا تھا جس کے ساتھ بھی بچے سوار تھے۔
اس حادثے میں خوش قسمتی سے کوئی جانی نقصان نہیں ہوا،حادثے کے بعد جائے وقوعہ پر شہری جمع ہوگئے اورکار میں سوار بچوں کو گاڑی کے دروازے توڑ کر نکالا۔
پولیس نے بتایا کہ حادثے میں کار بی ایم پی 521 کو شدید نقصان پہنچا۔
شارع فیصل پر نرسری سے صدر کی طرف آنے والی ٹریفک متاثر ہے جب کہ تماش بینوں کا بھی رش لگ گیا ہے۔
