10 اکتوبر ، 2022 
رضوان نے آئی سی پلیئر آف دی منتھ ’سیلاب متاثرین‘ کے نام کردیا
10 اکتوبر ، 2022
قومی ٹیم کے وکٹ کیپر بیٹسمین محمد رضوان نے آئی سی سی پلیئر آف دی منتھ سیلاب متاثرین کے نام کردیا۔
ایک بیان میں رضوان نے کہا کہ میں یہ ایوارڈ سیلاب اور موسمیاتی تبدیلی کے متاثرین کے نام کرنا چاہوں گا، مجھے امید ہے کہ یہ ان کے چہروں کا مسکراہٹ لائے گا۔
قومی کرکٹر کا کہنا تھاکہ میں یہ ایوارڈ سیلاب اور موسمیاتی تبدیلی کے متاثرین کے نام کرنا چاہوں گا۔
رضوان نے ساتھی کھلاڑیوں کا شکریہ ادا کرتے ہوئے کہا کہ انہوں نے میرے لیے چیزوں کا آسان بنایا۔
قومی کرکٹر نے مزید کہا کہ اس سے آپ کے اعتماد میں اضافہ ہوتا ہے، میں اپنی کارکردگی سے خوش ہوں ، میں اس مومنٹم کو آسٹریلیا بھی لے کر جانا پسند کروں گا۔
واضح رہے کہ محمد رضوان کو ستمبر کے مہینے کا آئی سی سی مینز پلیئر آ ف دی منتھ قرار دیا گیا ہے۔
آئی سی سی نے ستمبرکے مہینے میں عمدہ کارکردگی دکھانے والے کھلاڑیوں کی پلیئر آف دی منتھ کی نامزدگیوں کا اعلان گزشتہ ہفتے کیا تھا۔
