11 اکتوبر ، 2022 
کھیل
فوٹو: ڈیرن سیمی ٹوئٹر
لاہور:کامران اکمل کی جانب سے ڈیرن سیمی کی لبنانی ریسٹورنٹ میں دعوت
11 اکتوبر ، 2022
ویسٹ انڈیز کرکٹ ٹیم کے سابق کپتان ڈیرن سیمی کی کرکٹر کامران اکمل کی جانب سے لاہور کے ایک ہو ٹل میں دعوت کی گئی۔
ڈیرن سیمی ان دنوں پاکستان جونیئر لیگ میں حیدر آباد ہنٹرز کی ٹیم کے مینٹور کے فرائض انجام دے رہے ہیں، پاکستان کے سابق وکٹ کیپر بیٹر کامران اکمل نے اس موقع کو غنیمت جانتے ہوئے سابق ویسٹ انڈین کپتان کو دعوت پر مدعو کرلیا۔
یہ دعوت اُنہوں نے لاہور کے ایک لبنانی ریسٹورنٹ میں کی، پاکستان کرکٹ ٹیم کے سابق فاسٹ بولر محمد اکرم بھی اس ضیافت کا حصہ بنے۔
کامران اکمل کا کہنا تھا کہ جب بھی ڈیرن سیمی پاکستان آتے ہیں مل بیٹھنے کا بہانہ تلاش کرتے ہیں۔دوسری جانب سیمی نے ٹوئٹر پر کامران اکمل کا شکریہ اداکیا اور لبنانی کھانے کی تعریف کی ۔
