14 اکتوبر ، 2022 
پاکستان
خاتون کو دل کا دورہ پڑنے کے بعد جہاز نے کراچی ائیرپورٹ پر ایمرجنسی لینڈنگ کی/ فائل فوٹو
استنبول سے منیلا کی پرواز میں خاتون دل کا دورہ پڑنے سے انتقال کرگئی
14 اکتوبر ، 2022
استنبول سے منیلا کی پرواز میں خاتون دل کا دورہ پڑنے سے انتقال کرگئی جس کے باعث پرواز کو کراچی میں لینڈنگ کرنا پڑی۔
ترکیہ کے دارالحکومت انقرہ سے فلپائن کے شہر منیلا کیلئے ترکش ائیر لائن کی پرواز میں سوار ایک خاتون مسافر دل کا دورہ پڑنے سے انتقال کرگئی جس کے باعث طیارے نے کراچی میں میڈیکل ایمرجنسی لینڈنگ کی تاہم خاتون کی موت کی تصدیق کے بعد پرواز میت کے ساتھ فلپائن روانہ کردی گئی۔
ایوی ایشن ذرائع کے مطابق خاتون کو دل کا دورہ پڑنے پر کپتان نے کراچی ائیر ٹریفک کنٹرول سے رابطہ کیا اور اجازت ملنے پر طیارے نے 9 بج کر 40 منٹ پر کراچی ائیرپورٹ پر میڈیکل ایمرجنسی لینڈنگ کی جہاں ڈاکٹرز نے چیک اپ کے بعد خاتون کے انتقال کی تصدیق کی۔
