18 اکتوبر ، 2022 
اسکول کا بیٹے کو کتابیں دینے سے انکار: باپ نے احتجاجاً خود کو آگ لگا لی
18 اکتوبر ، 2022
مصر میں ایک افسوس ناک واقعہ پیش آیا جہاں والد نے اپنے بیٹے کو اسکول کی طرف سے نصابی کتابیں نہ ملنے پر احتجاج کرتے ہوئے خود کو آگ لگا لی۔
غیر ملکی میڈیا رپورٹس کے مطابق ہفتے کے روز ایک شخص نے اسکول کی پرنسپل کی جانب سے ناروا سلوک پر پرائمری اسکول کے اندر اپنے کپڑوں پر پیٹرول چھڑک کر آگ لگالی۔
حکام نے بتایا کہ اسکول نے اس شخص کے بیٹے کو اس وقت تک نصابی کتابیں دینے سے انکار کیا تھا جب تک کہ انہیں ادائیگی نہیں کی جاتی۔
واقعے کے بعد اسکول میں موجود متعدد عملے نے آگ بجھائی اور اس شخص کو فوراً اسپتال منتقل کرکے اس کی جان بچالی۔ آگ کے باعث معمولی جھلسنے کی وجہ سے وہ اب بھی زیر علاج ہے۔
عرب میڈیا کے مطابق اس شخص کی بیوی کا کہنا ہے کہ شوہر کی خود سوزی کی وجہ اسکول پرنسپل کی طرف سے اس کے ساتھ بدتمیزی تھی۔ انہوں نے الزام لگایا کہ شوہر کو اسکول میں سکیورٹی عملے نے مارا پیٹا بھی تھا۔
اطلاعات کے مطابق واقعہ کے بعد اسکول کی پرنسپل کو معطل کردیا گیا۔
مزید خبریں :
متحدہ عرب امارات کے ویزا سے متعلق نئی ہدایات جاری
1 گھنٹے پہلے
