22 فروری ، 2025 
حماس نے اسرائیلی مغوی خاتون کی لاش ریڈ کراس کے حوالے کر دی
22 فروری ، 2025
فلسطین کی مزاحمتی تنظیم حماس نے اسرائیلی مغوی خاتون شری بیباس کی لاش ریڈ کراس کے حوالے کر دی۔
حماس نے 20 فروری کو جنگ بندی معاہدے کے تحت 4 اسرائیلی یرغمالیوں کی لاشیں ریڈ کراس کے ذریعے اسرائیل کے حوالے کی تھیں جس کے بدلے اسرائیلی جیلوں میں قید فلسطینیوں کو رہا کیا گیا تھا۔
بعد ازاں اسرائیلی فوج نے دعویٰ کیا کہ حماس نےواپس کی گئی 4 لاشوں میں سے ایک کی شناخت غلط بتائی ہے۔
اسرائیلی فوج کا کہنا تھا کہ حماس کی جانب سے واپس کی گئی لاشوں کا میڈیکل کرانے کے بعد معلوم ہوا کہ ان میں شہری شری بیباس کی لاش شامل نہیں تاہم ان کے 2 بچوں کی شناخت کرلی گئی ہے۔
بعد ازاں حماس نے اسرائیلی الزامات کا جواب دیتے ہوئے کہا کہ اسرائیلی مغوی خاتون شری بیباس کی لاش کو جس جگہ رکھا گیا تھا وہاں اسرائیل کی جانب سے فضائی حملہ کیا گیا تھا جس کے بعد مغوی خاتون کی باقیات وہاں موجود دیگر افراد کی باقیات سے مل گئی تھیں۔
تاہم حماس نے اب اسرائیلی مغوی خاتون کی لاش ریڈ کراس کے حوالے کر دی ہے۔
حماس کے رہنما محمود مرداوی نے العربی ٹی وی کو دیے گئے انٹرویو میں اس بات کی تصدیق کی ہے کہ القسام بریگیڈز نے اسرائیلی قیدی شری بیباس کی لاش ریڈ کراس کے حوالے کر دی ہے۔
