31 اکتوبر ، 2022 
بابرڈرپوک کپتان ثابت ہوا، وہ رسک نہیں لیتا، ہم ٹی 20 بھی ٹیسٹ بنا دیتے ہیں: عاقب
31 اکتوبر ، 2022
سابق کرکٹر عاقب جاوید نے کہا ہے کہ بابراعظم ڈرپوک کپتان ثابت ہوا ہے وہ رسک نہیں لیتا، اسے چوتھے نمبر پر آنا چاہیے تھا۔
جشن کرکٹ میں گفتگو کرتے ہوئے عاقب جاوید کا کہنا تھاکہ بنگلا دیش ٹیم کے مسائل پاکستان سے زیادہ ہیں، پاکستانی ٹیم کچھ دیکھنا نہیں چاہتی، بابراعظم کو چوتھے نمبر پر آنا چاہیے تھا، فخر زمان اور رضوان سے اوپننگ کرانی چاہیے تھی۔
ان کا کہنا تھاکہ بابراعظم ڈرپوک کپتان ثابت ہوا ہے وہ رسک نہیں لیتا، بھارت جنوبی افریقا میچ میں پچ دیکھ کر اچھا لگا، بابراعظم وہ کیوں نہیں کرسکتا جو بھارتی کپتان نے کیا۔
عاقب جاوید کا کہنا تھاکہ کرکٹ میں جب آپ محفوظ کھیلتے ہیں تو دوسری ٹیم قریب نہیں آنےدیتی، ہم ٹی 20 کو بھی ٹیسٹ میچ بنا دیتے ہیں۔
معین خان کا کہناتھاکہ آج بنگلادیش نے اچھا کھیلا، 150 رنز کافی ہوتے ہیں، ابھی بھی پاکستانی ٹیم کے پاس چانس ہے، کپتان کو سب سے پہلے قربانی دینی چاہیے۔
ان کا کہنا تھاکہ آج جنوبی افریقا کی بیٹنگ اچھی تھی، بھارت ہمیشہ بیٹنگ سے جیتتا ہے، بولنگ سے نہیں۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
