03 نومبر ، 2022 
پی سی بی کا اسپیشلائزڈ ٹریننگ کیمپ لگانے کا فیصلہ
03 نومبر ، 2022
لاہور: پاکستان کرکٹ بورڈ نے اسپیشلائزڈ ٹریننگ کیمپ لگانے کا فیصلہ کیا ہے۔
پاکستان کرکٹ بورڈ کے چیئرمین رمیز راجا نے ایک نجی بینک کے ساتھ کیمپس کے معاہدے کی تقریب کے بعد جیو نیوز کو بتایا کہ رواں سیزن میں اسپیشلائزڈ کیمپس کا سلسلہ شروع کیا جا رہا ہے، کیمپوں کے لیے نجی بینک کے ساتھ معاہدہ کیا ہے، پہلا کیمپ فاسٹ بولرز کا ہو گا جس میں دوردراز علاقوں سے کھلاڑیوں کو لائیں گے اور مالی معاونت بھی کریں گے۔
انہوں نے کہا کہ یہ کیمپ مختصر دورانیے کے نہیں بلکہ طویل مدتی ہوں گے، فاسٹ بولنگ کے بعد بیٹنگ، پاور ہٹنگ اور اسپن بولنگ کے کیمپ بھی لگائیں گے، کیمپس کے لیے دنیا بھر سے نامور کوچز کی خدمات حاصل کی جائیں گی۔
اس موقع پر بینک کے سی ای او یوسف حسین نے کہا کہ پاکستان کرکٹ بورڈ کے ساتھ مل کر باصلاحیت کھلاڑیوں کو سامنے لائیں گے، ایک پروگرامنگ کے ساتھ ہم ٹیلنٹ کو نکھاریں گے اور پی سی بی کے ساتھ تعاون رہے گا۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
