07 نومبر ، 2022 
پاکستان اور آئر لینڈ کی ویمن کرکٹرز کو پاکستان کرکٹ بورڈ کی جانب سے عشائیہ
07 نومبر ، 2022
لاہور : پاکستان اور آئر لینڈ کی ویمن کرکٹرز کو پاکستان کرکٹ بورڈ کی جانب سے عشائیہ دیا گیا ہے۔
پاکستان کرکٹ بورڈ کی جانب سے عشائیے کا اہتمام نیشنل ہائی پرفارمنس سینٹر کے لان میں کیا گیا۔
پاکستان کرکٹ بورڈ ویمن ونگ کی سربراہ تانیہ ملک نے ٹیموں کا استقبال کیا، عشائیے میں دونوں ٹیموں کی کھلاڑیوں نے ٹیم منیجمنٹ کے اراکین کے ہمراہ شرکت کی۔ پی سی بی چیف ایگزیکٹو فیصل حسنین اور چیف ایگزیکٹو کرکٹ آئر لینڈ ویرن ڈیوٹرم بھی عشائیے میں شریک تھے۔
عشائیے میں چیف آپریٹنگ آفیسر سلمان نصیر ، ڈائریکٹر انٹرنیشنل ذاکر خان اور بورڈ کے دیگر عہدیداران بھی شریک تھے۔
مہمان کھلاڑیوں نے نیشنل ہائی پرفارمنس سینٹر میں کرکٹ میوزیم بھی دیکھا، عشائیے میں کھلاڑیوں کی بار بی کیو سے تواضع کی بھی کی گئی۔
عشائیے کے دوران ندا ڈار کے آئی سی سی پلیئر آف دی منتھ قرار پانے پر کیک بھی کاٹا گیا۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
