16 نومبر ، 2022 
عبداللہ شفیق انگلینڈ کے خلاف ٹیسٹ سیریز کیلئے پرجوش
16 نومبر ، 2022
ٹیسٹ کرکٹر عبداللہ شفیق انگلینڈ کے خلاف تین ٹیسٹ میچز کی ہوم سیریز کے لیے پرجوش ہیں۔
ٹیسٹ کرکٹر عبداللہ شفیق نے جیو نیوز سے گفتگو کرتے ہوئے کہا کہ ہم ٹیسٹ میں اچھا کرتے آرہے ہیں، اسی کو برقرار رکھیں گے، بس اب چھوٹی چھوٹی خامیوں پر قابو پانا ہے اور اس کے لیے ہم سب ڈومیسٹک کرکٹ میں میچز کھیلنے پر توجہ دے رہے ہیں۔
ٹاپ آرڈر بیٹر نے کہا کہ انگلینڈ کے خلاف سیریز کے لیے پرجوش اس لیے بھی ہیں کہ جن کھلاڑیوں کو ٹی وی پر ٹیسٹ کھیلتے دیکھا ان کے خلاف یہاں کھیلیں گے، انفرادی گول کے بارے میں نہیں سوچا، اچھی پرفارمنس ٹارگٹ ہے۔
عبداللہ شفیق کا کہنا تھا کہ ہوم سیریز سے قبل فوکس قائداعظم ٹرافی پر ہے، کوشش یہی ہے کہ چار روزہ میچز میں اپنی فارم کو برقرار رکھوں، ہماری فرسٹ کلاس کرکٹ کا بڑا نام ہے اور مقابلے کی کرکٹ ہوتی ہے، اس لیے لمبے وقفے کے بعد ٹیسٹ کھیلنے سے فرق نہیں پڑے گا، ہم ڈومیسٹک کھیل رہے ہیں۔
واضح رہے 22 سالہ عبداللہ شفیق ٹیسٹ کرکٹ میں تسلسل کے ساتھ پرفارم کر رہے ہیں، وہ اب تک 7 ٹیسٹ میچز کھیل چکے ہیں جن میں انہوں نے 66٫90 کی اوسط سے 736 رنز اسکور کیے ہیں جن میں 2 سنچریاں اور 4 نصف سنچریاں شامل ہیں۔
اس کے علاوہ عبداللہ شفیق ایک ون ڈے انٹر نیشنل اور تین ٹی ٹونٹی انٹر نیشنل میچز بھی کھیل چکے ہیں۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
