کرائسٹ چرچ… نیوزی لینڈ کرکٹ کی سلیکشن کمیٹی نے جنوبی افریقہ کیخلاف ون ڈے سیریز کیلئے 14 رکنی کیوی سکواڈ کا اعلان کر دیا، راس ٹیلر زخمی ہونے کے باعث بدستور باہر، برینڈن میک کولم قائمقام کپتان ہوں گے، جیسی رائیڈر، جیمز فرینکلن اور اینڈریو میک کے کی ٹیم میں واپسی ہوئی ہے جبکہ ڈین براؤنلی، جیکب اورم اور ٹام لیتھم کو ڈراپ کر دیا گیا۔ نیوزی لینڈ کرکٹ کے اعلامیے کے مطابق نیوزی لینڈ کرکٹ کی سلیکشن کمیٹی نے جنوبی افریقہ کیخلاف ون ڈے سیریز کیلئے 14 رکنی کیوی سکواڈ کا اعلان کردیا ہے جس میں ان فٹ کپتان راس ٹیلر شامل نہیں ہیں۔ ان کی عدم موجودگی میں برینڈن میک کولم قائمقام کپتان ہوں گے۔ کیوی ٹیم میں جیسی رائیڈر، جیمز فرینکلن اور اینڈریو میک کے کی واپسی ہوئی ہے جبکہ ڈین براؤنلی، جیکب اورم اور ٹام لیتھم کو ڈراپ کردیاگیا ہے۔ کیوی ٹیم میں برینڈن میک کولم (کپتان/وکٹ کیپر)، مائیکل بیٹس، ڈگ بریسویل، اینڈریو ایلس، جیمز فرینکلن، مارٹن گپٹل، نیتھن میک کولم، اینڈریو میک کے، کائل ملز، ٹیرون نیتھولا، راب نکول، جیسی رائیڈر، ٹم ساؤتھی اور کین ولیم سن شامل ہیں۔