10 دسمبر ، 2022 
پاکستان
ویڈیو: پی آئی اے کے طیارے میں خرابی، طویل انتظار پر مسافروں اور عملے میں تلخ کلامی
10 دسمبر ، 2022
اسلام آباد سے ابوظبی جانے والے طیارے میں فنی خرابی کے باعث مسافروں کو 12 گھنٹے انتظار کرنا پڑا۔
ذرائع کے مطابق گزشتہ رات پی آئی اے کی پرواز پی کے261 میں اڑان سے قبل تکنیکی خرابی پیدا ہوئی جس کی وجہ سے مسافروں کو طیارے سے اتار دیا گیا۔
مسافروں نے طیارے سے آف لوڈ کرنے پر شدید ناراضی کا اظہار کیا جب کہ کچھ مسافروں کی جانب سے عملے سے تلخ کلامی بھی کی گئی۔
ذرائع کے مطابق ائیر پورٹ سکیورٹی فورس نے مسافروں کو طیارے سے اتار کر لاؤنج منتقل کیا اور سخت سردی میں مسافروں نے رات ائیرپورٹ کے لاؤنج میں گزاری۔
مسافروں کا کہنا تھاکہ 12 گھنٹوں سے انتظار کر رہے ہیں، انتظامیہ کی جانب سے ہوٹل پہنچایا گیا اور نہ ہی کھانا پینا دیا گیا۔
