19 دسمبر ، 2022 
پاکستان
واقعے کی اطلاع ملنے پر علاقہ پولیس موقع پر پہنچ گئی اور ہال میں لگے سی سی ٹی وی فوٹیج اپنے ہمراہ لے گئی/ فائل فوٹو
کراچی میں ڈاکوؤں کا شادی ہال پر دھاوا، مہمانوں کو لوٹ لیا
19 دسمبر ، 2022
کراچی: گلستان جوہر میں مسلح ڈاکوؤں نے شادی ہال پر دھاوا بول کر مہمانوں کو لوٹ لیا۔
پولیس کے مطابق شارع فیصل تھانے کی حدود گلستان جوہر بلاک 13میں واقعہ شادی ہال میں 2 مسلح ڈاکو گھس گئے جنہوں نے اسلحہ کے زور پر مہمانوں کو یرغمال بنا کر ایک درجن سے زائد افراد سے نقدی، موبائل فون اور دیگر قیمتی سامان لوٹ لیا جب کہ شادی ہال کے باہر کھڑی اپنی موٹرسائیکل پر بیٹھ کر باآسانی فرار ہوگئے۔
واقعے کی اطلاع ملنے پر علاقہ پولیس موقع پر پہنچ گئی اور ہال میں لگے سی سی ٹی وی فوٹیج اپنے ہمراہ لے گئی۔
پولیس کا کہنا ہےکہ واقعہ شادی کی تقریب کے اختتام کے وقت پیش آیا، ویڈیو کی مدد سے ملزمان کی تلاش شروع کردی ہے۔
