09 دسمبر ، 2012 
کولکتا ٹیسٹ: انگلینڈ نے بھارت کو7 وکٹوں سے ہرادیا
09 دسمبر ، 2012
کولکتا…ہاکی کے بعد کرکٹ کے میدان میں بھی بھارتی ٹیم شکست سے دو چار ہوگئی۔ انگلینڈ نے دھونی الیون کو تیسرے ٹیسٹ میں 7 وکٹ سے ہرا دیا۔کولکتا میں کھیلا گیا میچ بھارتی ٹیم کے لئے کسی ڈراوٴنے خواب سے کم نہ تھا۔ کھیل کے پانچویں دن میزبان ٹیم نے 9 وکٹ پر 239 رنز سے اننگز آگے بڑھائی لیکن صرف 8 رنز کے اضافے کے بعدپوری ٹیم 247 رنزبناکر آوٴٹ ہوگئی، آر ایشون 91 رنز بناکر ناٹ آوٴٹ رہے۔ جیمز اینڈرسن اور اسٹیون فن نے تین تین کھلاڑیوں کو آوٴٹ کیا۔ انگلینڈ کو میچ جیتنے کیلئے 41 رنز کا ہدف ملا ، این بیل کے ناقابل شکست 28 رنز کی بدولت مہمان ٹیم نے ہدف 3 وکٹ پر حاصل کرلیا۔ اس کامیابی کے بعد انگلینڈ نے چار میچوں کی سیریز میں دو۔ ایک کی برتری حاصل کرلی۔ 36 سال بعد یہ پہلا موقع ہے کہ بھارتی ٹیم کو ہوم گراوٴنڈ پر مسلسل دو ٹیسٹ میچز میں شکست ہوئی۔سیریز کا چوتھا اور آخری ٹیسٹ 13 دسمبر سے ناگ پور میں شروع ہوگا۔
مزید خبریں :
پاکستان ایف آئی ایچ نیشنز کپ کے سیمی فائنل میں پہنچ گیا
18 جون ، 2025
اگلا ہدف ورلڈ چیمپئن شپ ہے: ارشد ندیم پُر عزم
18 جون ، 2025
