24 دسمبر ، 2022 
سلیکشن کمیٹی آج ٹیسٹ اسکواڈ کے حوالے سے غورکریگی، ایک سے دو تبدیلیوں کا امکان
24 دسمبر ، 2022
لاہور: پاکستان کرکٹ بورڈ (پی سی بی) کی عبوری سلیکشن کمیٹی آج ٹیسٹ اسکواڈ کے حوالے سے غور کرےگی۔
خیال رہے کہ پی سی بی نے آج عبوری سلیکشن کمیٹی کا اعلان کیا ہے۔
ذرائع کے مطابق شاہد آفریدی کی سربراہی میں بننے والی سلیکشن کمیٹی ٹیسٹ اسکواڈ میں تبدیلیوں پر غور کرے گی۔
ذرائع کا کہنا ہےکہ ٹیسٹ اسکواڈ میں ایک سے دو تبدیلیوں کا امکان ہے، نیوزی لینڈ کے خلاف دو ٹیسٹ میچز کی سیریز کے لیے اسکواڈ کا اعلان پہلےکیا جاچکا ہے، سابق چیف سلیکٹر محمد وسیم نے قومی ٹیسٹ اسکواڈ کا اعلان کیا تھا۔
عبوری سلیکشن کمیٹی نے نیوزی لینڈ کے خلاف ون ڈے اسکواڈ کا اعلان کرنا ہے۔
خیال رہے کہ پاکستان کرکٹ ٹیم کے سابق کپتان شاہد آفریدی کو نیوزی لینڈ کے خلاف ہوم سیریز کے لیے عبوری سلیکشن کمیٹی کا چیئرمین مقرر کردیا گیا ہے۔
پاکستان کرکٹ بورڈ اور پی سی بی مینجمنٹ کمیٹی کےچیئرمین نجم سیٹھی نےعبوری سلیکشن کمیٹی کا اعلان کیا ہے جس کے مطابق عبوری سلیکشن کمیٹی کے چیئرمین شاہد آفریدی ہوں گے جب کہ عبد الرزاق، راؤ افتخار رکن اور ہارون رشید کنوینر ہوں گے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
2 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
5 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
