ہر رکن کو ذاتی حیثیت میں استعفے کی تصدیق کرنا ہوگی: قومی اسمبلی سیکرٹریٹ کا شاہ محمود کو خط

قومی اسمبلی سیکرٹریٹ نے استعفوں سے متعلق پاکستان تحریک انصاف کے پارلیمانی لیڈر شاہ محمود قریشی کے خط کا جواب دے دیا۔

ترجمان قومی اسمبلی سیکرٹریٹ کے مطابق 22 دسمبرکوپی ٹی آئی پارلیمانی لیڈرشاہ محمودقریشی کوجوابی خط لکھا اور خط میں پی ٹی آئی ارکان کی ممکنہ واپسی کا خیرمقدم کیا گیا۔

عمران خان کی جگہ شاہ محمود قومی اسمبلی میں پی ٹی آئی کے پارلیمانی لیڈر قرار

اسپیکر سیکرٹریٹ نے رکن قومی اسمبلی کی حیثیت سے عمران خان کا کردار ختم کر دیا

خط کے متن میں کہا گیا ہے کہ پی ٹی آئی ارکان قومی اسمبلی کو استعفوں کی تصدیق کیلئے بلایاجائے گا اور  پی ٹی آئی کے ہر رکن قومی اسمبلی کو ذاتی حیثیت میں اپنے استعفے کی تصدیق کرناہوگی۔

جوابی خط میں کہا گیا ہے کہ اس سے قبل پی ٹی آئی ارکان کو 6  سے 10 جون تک استعفوں کی تصدیق کیلئے اسپیکرچیمبربلایاگیا تھا لیکن باضابطہ مدعوکرنےکے باوجودپی ٹی آئی کاکوئی رکن قومی اسمبلی استعفے کی تصدیق کیلئے نہیں آیا۔

خیال رہے کہ استعفوں کی منظوری کیلئے پاکستان تحریک انصاف کے اراکین کا بدھ یا جمعرات کو اسپیکر قومی اسمبلی کے سامنے پیش ہونے کا امکان ہے۔