ویڈیو: ریحام خان کا تیسری شادی میں رقص، بچوں نے بھی خوشی منائی
26 دسمبر ، 2022
سابق وزیراعظم عمران خان کی سابق اہلیہ اور صحافی ریحام خان نے حال ہی میں تیسری شادی کی ہے۔
ریحام خان کے نکاح کی تقریب امریکا میں ہوئی، ریحام خان کی جانب سےسوشل میڈیا پر ایک تصویر شیئر کرتے ہوئے مداحوں کو تیسری شادی کی اطلاع دی گئی۔
ریحام خان کی اپنی تیسری شادی پر رقص کرنےکی ویڈیو بھی سامنے آئی ہے جس میں وہ خوشی سے نہال نظر آرہی ہیں۔
ریحام خان کی بیٹی عنایا خان نے بھی رقص کرکے خوشی منائی جب کہ بیٹے ساحر خان نے گٹار بجا کر عاطف اسلم کا گانا گایا۔
واضح رہے کہ ریحام نے 1990 میں پہلی شادی اعجاز رحمان سے کی تھی اور ان کی طلاق 2005 میں ہوئی اس شادی سے ان کے تین بچے بھی ہیں جو برطانیہ میں مقیم ہیں۔
اس کے بعد سابق وزیر اعظم عمران خان اور ریحام خان کی شادی کی تصدیق جنوری 2015 میں ہوئی تھی لیکن دونوں کی شادی سے متعلق خبریں اکتوبر 2014 سے سامنے آرہی تھیں تاہم ریحام اور عمران کی شادی چند ماہ ہی رہی اور پھر دونوں کے درمیان 2015 اکتوبر میں علیحدگی ہوگئی۔
