27 دسمبر ، 2022 
پاکستان
دہشت گردی کے واقعے کے ہینڈلرز کو بھی پکڑ لیا گیا ہے، حملے میں ٹیکسی ڈرائیور بے گناہ تھا: رانا ثنا اللہ— فوٹو:فائل
اسلام آباد میں دہشتگرد حملے کے ملزمان گرفتار کرلیے: وزیرداخلہ
27 دسمبر ، 2022
وفاقی وزیر داخلہ رانا ثنا اللہ نے کہا ہے کہ اسلام آباد میں دہشتگرد حملے کے ملزمان گرفتار کرلیے۔
جیو نیوز سے گفتگو میں رانا ثنااللہ کا کہنا تھاکہ اسلام آباد حملے کی ذمہ داری کالعدم تحریک طالبان نے قبول کی تھی، حملے میں ٹیکسی ڈرائیور بے گناہ تھا، اس کا کوئی قصور نہیں نکلا، ملزم کی جانب سے ٹیکسی کرائے پر لی گئی تھی۔
ان کا کہنا تھاکہ یہ لوگ کرم ایجنسی سے چلے اور راولپنڈی میں ٹھہرے، دہشت گردی کے واقعے کے ہینڈلرز کو بھی پکڑ لیا گیا ہے اور ہم نے چار پانچ لوگوں کو گرفتار کیا ہے۔
خیال رہے کہ گزشتہ دنوں وفاقی دارالحکومت اسلام آباد میں خود کش دھماکے سے ایک پولیس اہلکار شہید اور 4 پولیس اہلکاروں سمیت 6 افراد زخمی ہو گئے تھے۔
