02 جنوری ، 2023 
پاکستان
اسلام آباد ہائیکورٹ نے 2 لاکھ روپے کے مچلکوں کے عوض پی ٹی آئی رہنما اعظم سواتی کی درخواست ضمانت منظور کی تھی— فوٹو:فائل
اسلام آباد ہائیکورٹ سے ضمانت منظور، اعظم سواتی کی رہائی آج ممکن نہ ہوسکی
02 جنوری ، 2023
اسلام آباد ہائیکورٹ سے ضمانت منظور ہونے کے بعد سینیٹر اعظم سواتی کی رہائی آج ممکن نہ ہوسکی۔
اسلام آباد ہائیکورٹ نے 2 لاکھ روپے کے مچلکوں کے عوض پی ٹی آئی رہنما اعظم سواتی کی درخواست ضمانت منظور کی تھی۔
اسلام آباد ہائیکورٹ کا تحریری حکم نامہ تاحال جاری نہ ہوا اور تحریری فیصلہ جاری نہ ہونے پر ضمانتی مچلکے بھی جمع نہ ہوسکے۔
اعظم سواتی کیس کا تحریری حکم نامہ اور مچلکے اب کل جمع ہوں گے۔
ضمانتی مچلکے جمع ہونے پرٹرائل کورٹ اعظم سواتی کی رہائی کی روبکار جاری کرے گی۔
