12 جنوری ، 2023 
آسٹریلیا کے سیریز سے دستبردار ہونے پر افغان کرکٹ بورڈ کا ردعمل سامنے آگیا
12 جنوری ، 2023
کرکٹ آسٹریلیا کے سیریز سے دستبردار ہونے پر افغانستان کرکٹ بورڈ کا ردعمل سامنے آگیا۔
افغان کرکٹ بورڈ کا کہنا ہے کہ کرکٹ آسٹریلیا کا سیریز سے دستبرداری کا اعلان غیر متوقع اور غیر منصفانہ ہے، فیصلے سے شدید مایوسی ہوئی ہے، معاملے پر انٹرنیشنل کرکٹ کونسل (آئی سی سی) کو باضابطہ خط لکھیں گے۔
افغان بورڈ نے کہا کہ یہ بدقسمتی ہے کہ اس اقدام سے سیاست کو کھیل میں شامل کرنے کی کوشش کی گئی، کرکٹ آسٹریلیا نے دونوں ممالک کے تعلقات کو اور کھیل کی انٹیگریٹی کو نقصان پہنچایا ہے، فیصلے سے افغانستان میں کھیل پر منفی اثرات مرتب ہوں گے۔
افغان بورڈ نے کہا کہ فیصلے کو تبدیل نہ کیا گیا تو مزید بھی کوئی ایکشن لینے کیلئے غور جاری ہے، افغان کرکٹرز کی بگ بیش لیگ (بی بی ایل) میں شرکت کے بارے میں بھی از سرِ نو جائزہ لیں گے۔
خیال رہے کہ طالبان کی جانب سے خواتین پر پابندیوں کو جواز بناتے ہوئے آسٹریلیا نے افغانستان کے خلاف ون ڈےکرکٹ سیریز کھیلنے سے انکار کر دیا ہے۔
کرکٹ آسٹریلیا کے مطابق آسٹریلیا اور افغانستان کے درمیان ون ڈے سیریز مارچ میں متحدہ عرب امارات میں ہونی تھی تاہم آسٹریلیا افغانستان کے خلاف ون ڈے سیریز سے دستبردار ہو گیا ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
4 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
6 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
