13 جنوری ، 2023 
کراچی میں گزشتہ رات رواں ماہ کی سرد ترین رات، درجہ حرارت کتنا رہا؟
13 جنوری ، 2023
کراچی میں گزشتہ رات رواں ماہ کی سرد ترین رات ریکارڈ کی گئی۔
موسمیاتی تجزیہ کار کے مطابق گزشتہ رات سے کراچی کولڈ ویو کی لپیٹ میں ہے جس کی وجہ سے گزشتہ رات رواں ماہ کی سرد ترین رات ریکارڈ کی گئی۔
موسمیاتی تجزیہ کار کا کہنا ہےکہ سرجانی ٹاؤن میں گزشتہ رات درجہ حرارت 6.5 ڈگری سینٹی گریڈ ریکارڈ کیا گیا جب کہ کلفٹن میں درجہ حرارت 13 ڈگری سینٹی گریڈ رہا۔
موسمیاتی تجزیہ کار کی جانب سے بتایا گیا ہے کہ آج سے 16 جنوری کے دوران شہر میں کولڈ ویو کی شدت زائد رہے گی، شہر کے شمالی حصے میں درجہ حرارت 3 سے 5 ڈگری سینٹی گریڈ تک گرسکتا ہے۔
انہوں نے کہا کہ وسطی علاقوں میں درجہ حرارت 7 سے 9 ڈگری سینٹی گریڈ تک رہے گا جب کہ جنوبی علاقوں میں درجہ حرارت 9 سے 12 ڈگری سینٹی گریڈ تک رہ سکتا ہے۔
موسمیاتی تجزیہ کار کے مطابق آج شام سے شہر میں چلنے والی تیز گرد آلود ہواؤں کی شدت میں کمی آجائے گی۔
