14 جنوری ، 2023 
پاکستان
گورنر پنجاب نے کہا کہ ایسا کرنے سے آئینی عمل میں کسی قسم کی رکاوٹ کا اندیشہ نہیں— فوٹو: فائل
اسمبلی توڑنے کےعمل کا حصہ نہیں بنوں گا: گورنر پنجاب
14 جنوری ، 2023
گورنر پنجاب بلیغ الرحمان نے کہا ہے کہ میں نے فیصلہ کیا ہےاسمبلی توڑنے کےعمل کا حصہ نہیں بنوں گا۔
گورنر پنجاب نے کہا کہ ایسا کرنے سے آئینی عمل میں کسی قسم کی رکاوٹ کا اندیشہ نہیں، آئین، قانون میں وضاحت کےساتھ تمام معاملات کے آگے بڑھنے کا راستہ موجود ہے۔
ان خیالات کا اظہار گورنر پنجاب نے جیونیوز سے بات چیت میں کیا۔
خیال رہے کہ گزشتہ شب وزیراعلیٰ پنجاب پرویز الہیٰ نے اسمبلی توڑنے کی سمری گورنر کو بھیجی تھی، گورنر نے اب تک وزيراعلیٰ کی بھیجی گئی سمری پر دستخط نہیں کیے تاہم اسمبلی پھر بھی تحلیل ہوجائے گی ، سمری کو بھیجے گئے دو دن کی آئینی مدت رات 10 بجے تمام ہوتے ہی پنجاب اسمبلی تحلیل ہوجائے گی۔
