17 جنوری ، 2023 
دنیا
خاتون کی فیملی خاتون کی جِلد، آنکھیں، جگر، پھیپھڑے اور گردوں کو بھی عطیہ کرنے کیلئے رضامند ہے: بھارتی میڈیا/ فوٹو فائل
دماغ سے مردہ قرار دی جانے والی خاتون کے ہاتھوں کو عطیہ کردیا گیا
17 جنوری ، 2023
بھارت میں دماغ سے مردہ قرار دی جانے والی خاتون کے ہاتھوں کو عطیہ کردیا گیا۔
بھارتی میڈیا کے مطابق ریاست مدھیہ پردیش میں پہلی بار ہاتھوں کو ٹرانسپلانٹ کیلئے عطیہ کیا گیا ہے۔
میڈیا رپورٹس کے مطابق مدھیہ پردیش کے شہر اندور میں 52 سالہ خاتون کو دماغی طور پر مردہ قرار دیا گیا جس کے بعد فیملی کی جانب سے خاتون کے ہاتھوں کو عطیہ کیا گیا۔
اسپتال انتظامیہ کی جانب سے بتایا گیا ہے کہ خاتون کے ہاتھ ممبئی کی ایک 18 سالہ لڑکی کو لگائے جائیں گے اور یہ ریاست میں اپنی نوعیت کا پہلا کیس ہے اور اسی کے ساتھ یہ اعضا عطیہ کرنے کی فیلڈ میں ایک انقلاب ہے۔
انتظامیہ کے مطابق خاتون کی فیملی خاتون کی جِلد، آنکھیں، جگر، پھیپھڑے اور گردوں کو بھی عطیہ کرنے کیلئے رضامند ہے۔
