کے پی اسمبلی کے انتخابات کے دوران دہشتگردی کا خدشہ رد نہیں کیا جاسکتا: آئی جی
08 فروری ، 2023
آئی جی خیبر پختونخوا معظم جاہ انصاری کا کہنا ہے کہ خیبر پختون خوا اسمبلی کے انتخابات کے دوران دہشت گردی کا خدشہ رد نہیں کیا جاسکتا۔
چیف الیکشن کمشنر سکندر سلطان راجہ کی زیر صدارت اجلاس میں آئی جی کے پی نے کہا کہ خیبر پختونخوا میں انتخابات کے لیے 57 ہزار اہل کاروں کی کمی کا سامنا ہے۔
انہوں نے کہا کہ آزاد کشمیر اور گلگت بلتستان سے پولیس لینے پر بھی کمی پوری نہیں ہوسکتی، فوج اور ایف سی کی مدد درکار ہوگی۔
اس موقع پر چیف الیکشن کمشنر نے کہا کہ پاک فوج اور ایف سی کی تعیناتی کے لیے وزارتِ داخلہ اور وزارتِ دفاع سے رابطے میں ہیں تاکہ پرامن انتخابات کے انعقاد کو ممکن بنایا جاسکے۔
چیف سیکرٹری کے پی نے کہا کہ الیکشن کمیشن کی ہدایت پر عمل درآمد یقینی بنایا جائے گا تاکہ انتخابات سے قبل تمام اضلاع میں غیر جانب دار افسران تعینات ہوں۔
مزید خبریں :
کل سے ملک بھر میں درجہ حرارت میں اضافےکا امکان
6 گھنٹے پہلے
