23 فروری ، 2023 
دنیا
کان کنوں کو بچانے کیلئے جائے حادثہ پر 900 ریسکیو اہلکاروں کو تعینات کیا گیا ہے/ فائل فوٹو
چین: کوئلےکی کان بیٹھنے سے 4 کان کن ہلاک، متعدد لاپتہ
23 فروری ، 2023
چین کے شمالی علاقے منگولیا میں کوئلےکی کان بیٹھنے سے 4 کان کن ہلاک اور 49 لاپتا ہوگئے۔
برطانوی خبر رساں ادارے کے مطابق کوئلے کی کان گرنے کا واقعہ بدھ کی صبح پیش آیا جس کے بعد انتظامیہ کی جانب سے کان کنوں کو بچانے کیلئے سرچ اینڈ ریسکیو عمل شروع کردیا گیا، اس دوران 6 کان کنوں کو بچالیا گیا۔
نامعلوم وجوہات کی وجہ سے مٹی کا تودہ گرنے کے باعث کان میں پھنسے کان کنوں کی جانیں بچانے کا سلسلہ روک دیا گیا ۔
میڈیا رپورٹس کے مطابق چینی وزیر اعظم کی جانب سے انتظامیہ کو کان کنوں کو ہر ممکن صورت میں بچانے کی ہدایت جاری کی گئی جس بعد جائے حادثہ پر 900 ریسکیو اہلکاروں کو تعینات کیا گیا ہے۔
