01 مارچ ، 2023 
پاکستان
4 مسلح ڈکیت کورنگی مہران ٹاؤن سیکٹر F/6 کے قریب شہری سے لوٹ مار کررہے تھے جس دوران پولیس موقع پر پہنچ گئی: پولیس/ فائل فوٹو
کورنگی انڈسٹریل ایریا میں پولیس مقابلے کے بعد 4 ڈکیت گرفتار
01 مارچ ، 2023
کراچی: کورنگی انڈسٹریل ایریا میں پولیس نے کام پر جانے والے شہریوں کو لوٹنے والے 4 ڈکیتوں کو گرفتار کرلیا۔
پولیس کے مطابق 4 مسلح ڈکیت کورنگی مہران ٹاؤن سیکٹر F/6 کے قریب شہری سے لوٹ مار کررہے تھے جس دوران پولیس موقع پر پہنچ گئی، پولیس کو دیکھ کر ڈاکوؤں نے اندھا دھند فائرنگ کردی جس کے بعد پولیس کی جوابی فائرنگ میں 2 ڈکیت موقع پر زخمی ہوگئے۔
پولیس کے مطابق کارروائی میں 4 ڈکیتوں کو گرفتار کیا گیا جن کے قبضے سے 4 پستول، 6 چھینے ہوئے موبائل فون پرس اور نقدی برآمد کی گئی ہے۔
پولیس نے گرفتار ملزمان کے زیر استعمال دو 125 موٹرسائیکلیں بھی اپنی تحویل میں لے لیں۔
