01 مارچ ، 2023 
پاکستان
شوہر طبعی موت مرا تو بیوی نے خود کو کمرے میں بند کرکے آگ لگا لی جس سے وہ بھی دم توڑ گئی: پولیس—فوٹو: فائل
شوہر کے انتقال پر بیوی نے دلبرداشتہ ہوکر خودکشی کرلی
01 مارچ ، 2023
لاہور کے علاقے سندر میں ایک گھر سے میاں بیوی کی لاشیں برآمد کی گئی ہیں۔
پولیس کی ابتدائی تحقیقات کے مطابق شوہر طبعی موت مرا تو بیوی نے خود کو کمرے میں بند کرکے آگ لگا لی جس سے وہ بھی دم توڑ گئی۔
پولیس کا بتانا ہےکہ دیپالپور کے رہائشی میاں بیوی 51 سالہ نذیر اور 46 سالہ نبیلہ محنت مزدوری کی غرض سےلاہور آئے تھے اور لوہاراں والا کھوہ کے علاقے میں رہنے لگے۔
محلے داروں نےبتایا کہ نذیر احمد کا صبح اچانک انتقال ہوگیا تو اس کی بیوی نے جذباتی ہو کر خود کو کمرے میں بند کر کے آگ لگالی، محلے دار جب دروازہ توڑ کر اندر داخل ہوئے تو وہ بھی دم توڑ چکی تھی۔
پولیس اور فارنزک ٹیموں نے شواہد جمع کر لیے اور قتل اورخودکشی سمیت مختلف پہلوؤں پر تحقیقات شروع کردیں۔
