03 مارچ ، 2023 
پاکستان
صدر مملکت ڈاکٹر عارف علوی نے پنجاب میں 30 اپریل کو انتخابات کرانے کی تاریخ کی منظوری دیدی ہے۔ فوٹو فائل
اگر الیکشن کمیشن نے کہا تو انتخابات کی تاریخ دیدوں گا: گورنر کے پی
03 مارچ ، 2023
گورنر خیبر پختونخوا غلام علی کا کہنا ہے اگر الیکشن کمیشن نے کہا تو انتخابات کی تاریخ دیدوں گا۔
جیو نیوز کے پروگرام جرگہ میں گفتگو کرتے ہوئے گورنر کے پی کا کہنا تھا اگر الیکشن کمیشن نے انہیں صوبائی اسمبلی کے انتخابات کی تاریخ سے متعلق مراسلہ بھیجا تو وہ تاریخ دے دیں گے۔
یاد رہے کہ الیکشن کمیشن نے صدر پاکستان کو بھی پنجاب میں 30 اپریل سے 7 مئی کے دوران انتخابات کی کوئی تاریخ دینے کی تجویز مانگی تھی۔
صدر مملکت ڈاکٹر عارف علوی نے الیکشن کمیشن کی درخواست پر پنجاب میں 30 اپریل کو انتخابات کرانے کی تاریخ کی منظوری دیدی ہے۔
