08 مارچ ، 2023 
پاکستان
عدالت نے الیکشن کمیشن کا بلدیاتی نمائندوں کی معطلی سے متعلق اعلامیہ بھی کالعدم قرار دیا— فوٹو:فائل
الیکشن کمیشن کا فیصلہ کالعدم، پشاور ہائیکورٹ نے بلدیاتی نمائندوں کو بحال کردیا
08 مارچ ، 2023
پشاور ہائیکورٹ نے الیکشن کمیشن کی جانب سے بلدیاتی نمائندوں کی معطلی سے متعلق اعلامیے کو کالعدم قرار دیتے ہوئے بلدیاتی نمائندوں کو بحال کردیا۔
الیکشن کمیشن کی جانب سے بلدیاتی نمائندوں کو معطل کرنے کے خلاف درخواستوں پر عدالت نے فریقین کے دلائل مکمل ہونے پر مختصر فیصلہ سنایا۔
عدالت نے بلدیاتی نمائندوں کو بحال کرنے کا حکم دیتے ہوئے الیکشن کمیشن کا بلدیاتی نمائندوں کی معطلی سے متعلق اعلامیہ بھی کالعدم قرار دیا۔
سماعت کے دوران جسٹس روح الامین نے استفسار کیا کہ جب بلدیاتی الیکشن ہو رہے تھے تو کیا اس وقت قومی اور صوبائی اسمبلی کے ارکان کو معطل کیا گیا تھا؟
خیال رہے کہ الیکشن کمیشن نے 2 فروری کو بلدیاتی نمائندوں کو معطل کرنے کا اعلامیہ جاری کیا تھا۔
