27 جون ، 2025 
پاکستانی ڈیزائنر دیپک پروانی اپنے خلاف بھارتی میڈیا کی ’فیک نیوز‘ پر پھٹ پڑے
27 جون ، 2025
پاکستانی فیشن انڈسٹری کے مقبول فیشن ڈیزائنر دیپک پروانی نے اپنی دولت سے متعلق گردش کرنے والی بھارتی میڈیا کی خبروں پر ردعمل دیا ہے۔
2022 میں ایک خبر سامنے آئی تھی جس میں دعویٰ کیا گیا تھا کہ دیپک پروانی پاکستان کے سب سے دولت مند ہندو ہیں اور ان کی کُل دولت قریب 71 کروڑ پاکستانی روپے ہے۔
بعدازاں یہ خبر بغیر تصدیق کے مختلف سوشل میڈیا ویب سائٹس پر بھی گردش کرنے لگی تاہم اب دیپک پروانی نے سوشل میڈیا پر اپنی دولت کے بارے میں مختلف ویب سائٹس پر شائع ہونے والی ان خبروں کے اسکرین شاٹ شیئر کیے اور انہیں جعلی قرار دیا۔
انہوں نے اسکرین شاٹ شیئر کرتے ہوئے لکھا کہ بہت ہوگیا یہ جعلی پروپیگنڈا، یہ کافی مضحکہ خیز تھا لیکن اب یہ پروپیگنڈا اور نہیں چلے گا۔
واضح رہے کہ دیپک پروانی نے 1996 میں اپنا فیشن لیبل لانچ کیا جو بعد میں ایک مشہور فیشن برانڈ بن گیا۔
یہاں یہ بات بھی قابلِ ذکر ہے کہ2014 میں بلغاریہ فیشن ایوارڈز میں انہیں دنیا کے ٹاپ ڈیزائنرز میں چھٹے نمبر پر آنے کا اعزاز بھی حاصل ہوا۔
اس کے علاوہ دیپک پروانی نے دنیا کا سب سے بڑا کرتہ سلائی کرکے گنیز ورلڈ ریکارڈز میں بھی اپنا نام درج کروایا۔
مزید خبریں :
اپنی موت کی پیشگوئی کرنے والا انفلوئنسر انتقال کرگیا
3 گھنٹے پہلے
نادیہ خان نے ہانیہ عامر سے متعلق بیان پر یوٹرن لے لیا
26 جون ، 2025
