عالمی سطح پر بینکاری کے شعبےکیلئے اچھی خبر

سوئٹزر لینڈ کے سب سے بڑے بینک یونین بینک آف سوئٹزرلینڈ(یوبی ایس) نے مشکلات میں گھرے  حریف بینک کریڈٹ سوئس کو  خریدنےکا اعلان کردیا۔

 اتوار کو سامنے آنے والا سوئس بینک کا اعلان عالمی سطح پر بینکاری کے شعبےکے لیے خوش آئند قرار دیا جارہا ہے۔

امریکی حکام نے دیوالیہ ہونے والے سلیکون ویلی بینک کو بند کردیا

بینک کے پاس موجود تقریباً 175 ارب ڈالرز کو اپنے کنٹرول میں لے لیا ہے: ایف ڈی آئی سی

برطانوی میڈیا کے مطابق یوبی ایس،کریڈٹ سوئس کے لیے 3 ارب 23 کروڑ  ڈالرکی ادائیگی کرےگا۔

خیال رہےکہ کریڈٹ سوئس کے شیئرز گرنے سے سرمایہ کاروں میں خوف کی لہر دوڑ گئی تھی، امریکا کے دو اہم بینکوں کے دیوالیہ ہونے سے عالمی سطح پر بینکاری کا شعبہ پہلے ہی بحران کا شکار  ہے۔

یوبی ایس کے اعلان کا امریکا، برطانیہ اور بیلجیئم  نے خیر مقدم کیا ہے۔

برطانوی میڈیا کے مطابق اس ڈیل کے لیے سوئس حکومت کی منشا بھی شامل تھی۔