عمران خان کے وکیل کی درخواست میں غلطی دوران سماعت جج نے درست کرا دی

اسلام آباد ہائیکورٹ کے چیف جسٹس عامر فاروق نے سابق وزیراعظم عمران خان  کے وکیل کی جانب سے دائر درخواست میں غلطی دوران سماعت درست کرا دی۔

اسلام آباد میں عمران خان کی حفاظتی ضمانت کیلئے دائر درخواستوں پر سماعت ہوئی۔ دوران سماعت جسٹس عامر فاروق نے کہا کہ آپ نے درخواست کر رکھی ہے کہ غیرقانونی گرفتاری روکیں، درخواست منظور کروں تو آپ کے کلائنٹ گرفتارہوجائیں گے۔

اسلام آباد ہائیکورٹ: عمران خان کی 7 مقدمات میں عبوری ضمانت منظور

عمران خان سخت سکیورٹی میں عدالت میں پیش ہوئے، گاڑی سے عدالت تک انہیں بلٹ پروف شیشے کی آر میں عدالت لے جایا گیا

چیف جسٹس اسلام آباد ہائیکورٹ نے پی ٹی آئی کے وکیل سے کہا کہ کیا میں کہہ دوں غیرقانونی نہیں تو قانونی گرفتار کرلیں، اپنے کلائنٹ کے ساتھ یہ نہ کریں۔

پی ٹی آئی وکیل کی سکیورٹی ناکوں کی شکایت پر جسٹس عامر نے کہا کہ آپ کے پارٹی لیڈر آرہے ہیں، انہی کیلئے سکیورٹی لگائی ہوئی ہے، وہ خود زگ زیگ سے کنٹینر سے ہوکر آئے ہیں۔

اسلام آباد ہائیکورٹ نے ایف آئی اے اور اسلام آباد پولیس کو کل تک عمران خان کے خلاف مقدمات کی تفصیلات فراہم کرنے کی ہدایت کردی۔