31 مارچ ، 2023 
پاکستان
دیال سنگھ اپنے جنرل اسٹور میں موجود تھا جہاں انہیں فائرنگ کا نشانہ بنایا گیا— فوٹو: فائل
پشاور میں نامعلوم افراد کی فائرنگ، سکھ تاجر قتل
31 مارچ ، 2023
پشاور کے علاقے دیر کالونی میں نامعلوم افراد کی فائرنگ سے سکھ تاجر ہلاک ہو گیا۔
ایس پی صدر ڈویژن ملک حبیب کے مطابق دیال سنگھ اپنےجنرل اسٹور پر موجود تھے کہ مسلح حملہ آور نے ان پر پستول سے فائرنگ کی۔
پشاور پولیس کے مطابق موٹرسائیکل سوار حملہ آور واردات کے بعد فرار ہوگئے تھے، ملزمان کی تلاش شروع کردی گئی ہے۔
پولیس کا کہنا ہے کہ جائے وقوعہ سے 30 بور پستول کے خول اور دیگر شواہد اکٹھے کرلیے گئے ہیں جبکہ واقعے کی سی سی ٹی وی فوٹیج بھی حاصل کی جارہی ہے۔
پولیس کا کہنا تھا کہ واقعہ ذاتی رنجش کا شاخسانہ بھی ہوسکتا ہے۔
