پیٹرولیم مصنوعات کی قیمتوں میں اضافے سے متعلق وزارت خزانہ کی وضاحت سامنے آگئی

وزارت خزانہ نے پیٹرولیم مصنوعات کی قیمتوں میں اضافے کی افواہوں کی تردید کردی۔

گزشتہ روز ہی حکومت نے پیٹرول اور ڈیزل کی قیمت برقرار رکھی تھی تاہم سوشل میڈیا پر قیمتوں میں اضافے سے متعلق افواہیں پھیلائی جا رہی ہیں۔

آئندہ 15 روز کیلئے پیٹرول اور ڈیزل کی قیمتیں کیا ہوں گی؟ اعلان ہوگیا

وزیر خزانہ اسحاق ڈار کا کہنا ہے کہ پیٹرول اور ڈیزل کی قیمتیں برقرار رہیں گی۔

اب وزارت خزانہ نے پیٹرولیم مصنوعات کی قیمتوں میں اضافے کی افواہوں کی تردید کی ہے۔

وزارت خزانہ کے مطابق پیٹرولیم مصنوعات کی قیمتوں میں کوئی اضافہ نہیں کیا گیا۔ حکام نے کہا کہ سوشل میڈیا پر پیٹرول کی قیمتوں میں اضافے کا نوٹیفکیشن جعلی ہے۔

خیال رہے کہ گزشتہ روز ہی حکومت نے پیٹرول اور ڈیزل کی قیمت برقرار رکھی تھی جبکہ مٹی کے تیل اور لائٹ ڈیزل کی قیمت میں 10، 10 روپے کمی تھی۔