17 اپریل ، 2023 
پاکستان
’لگتا ہے پشاور میں جنون ختم ہورہا ہے‘، عمران خان کی ویڈيو وائرل
17 اپریل ، 2023
پاکستان تحریک انصاف کے چیئرمین عمران خان کی کارکنوں سے خطاب میں پشاور کی تنظیم پر تنقید کی ویڈيو وائرل ہوگئی۔
ویڈیو میں عمران خان کو زمان پارک میں کارکنوں سے بات کرتے دیکھا جاسکتا ہے۔ خطاب میں عمران خان کا کہنا تھاکہ پشاور مجھے کمزور نظر آرہا ہے، لگتا ہے پشاور میں جنون ختم ہورہا ہے۔
اس حوالے سے سیکرٹری اطلاعات پی ٹی آئی خیبرپختونخوا شوکت یوسفزئی کا کہناتھاکہ رمضان کا مہینہ ہے اس لیے کارکنوں کی تعدادمیں شایدکوئی کوتاہی ہوئی ہو، اگلی بار یہ کمی نہیں آئے گی، پشاور نے ہمیشہ پی ٹی آئی کا ساتھ دیا ہے۔
