19 اپریل ، 2023 
پاکستان
سفارتی عملے کو سکیورٹی سوڈان حکومت کی ذمہ داری ہے، پاکستانی سفارتخانے کا بیان— فوٹو:فائل
سوڈانی فورسز میں جھڑپیں، پاکستانی سفارتخانے کی عمارت بھی گولیوں کی زد میں آگئی
19 اپریل ، 2023
سوڈانی دارالحکومت خرطوم میں فوج اور ریپڈ فورسز کے درمیان جھڑپوں میں پاکستانی سفارتخانے کی عمارت بھی گولیوں کی زد میں آگئیں۔
سوڈان میں قائم پاکستانی سفارتخانے کے آفیشل ٹوئٹر اکاؤنٹ سے واقعے کی تصدیق کی گئی کہ 3 گولیاں سفارتخانے کی عمارت میں لگی ہیں۔
پاکستانی سفارت خانے کا کہنا ہے کہ سفارتی عملے کو سکیورٹی سوڈان حکومت کی ذمہ داری ہے اورسفارت خانے پر فائرنگ کا واقعہ ویانا کنونشن کی خلاف ورزی ہے۔
پاکستانی سفارت خانے کے مطابق سوڈان میں مقیم پاکستانی اپنی نقل و حرکت کو محدود کرلیں۔
خیال رہے کہ سوڈان کے دارالحکومت خرطوم میں سوڈانی فوج اور پیراملٹری فورس کے درمیان جھڑپیں جاری ہیں اور اب تک 200 سے زائد افراد ہلاک ہوچکے ہیں۔
