عیدکبھی مایوس نہیں کرتی: پریتی زنٹا

بالی وڈ کی معروف  اداکارہ پریتی زنٹا کا کہنا ہےکہ عیدکبھی مایوس نہیں کرتی ہے۔

سوشل میڈیا اکاؤنٹ انسٹاگرام پر اداکارہ پریتی زنٹا کی جانب سے ایک پوسٹ شیئر کی گئی ہے جس میں انہوں نے عیدکے تہوار کو منانے کے حوالے سے لکھا ہے۔

عید پارٹی میں سابق گرل فرینڈ کی سلمان کے چہرے پر پنچ مارنے کی ویڈیو وائرل

سلمان کی بہن ارپیتا کی جانب سے ایک عید ملن پارٹی کا اہتمام کیا گیا جس میں سلمان خان اور سنگینا بجلانی سمیت دیگر نامور شخصیات بھی شریک ہوئیں۔

اداکارہ کی جانب سے لکھا گیا کہ گزشتہ ہفتہ بہت مصروف گزرا، بہت سفر کے ساتھ ڈھیر ساری خوشیاں منائی گئیں۔

انہوں نےکہا کہ تہواروں کے موقع پر انہیں بھارت واپس آنا پسند ہے اور عید کبھی مایوس نہیں کرتی، مجھے اپنے دوستوں اور گھر والوں کے ساتھ ملنا اور  تہوار منانا پسند ہے۔

انہوں نے اپنی پوسٹ کے آخر میں لکھا کہ یہاں عید کی پارٹی کی کچھ جھلکیاں موجود ہیں اور ساتھ ہی انہوں نے سلمان خان کی بہن ارپیتا خان شرما اور ان کے شوہر کا بھی شکریہ ادا کیا جنہوں نے انہیں عید پارٹی کی دعوت دی تھی۔

اداکارہ کی جانب سے پوسٹ میں ایک ویڈیو شیئر کی گئی جس میں انہوں نے اپنی عید کی تیاریاں دکھائیں  اور دیگر اداکاروں کے ساتھ بھی تصاویر شیئر کیں۔

واضح رہے اداکار سلمان خان کی بہن کی جانب سے بالی وڈ اسٹار کو عید پارٹی کی دعوت دی گئی تھی جس میں بالی وڈ کے بڑے ستاروں نے شرکت کی تھی۔