01 مئی ، 2023 
امریکی پائلٹ کا لاس اینجلس سے آخری ٹیک آف، پرواز میں بیٹی فرسٹ آفیسر
01 مئی ، 2023
امریکی ائیرلائن کے ایک پائلٹ نے اپنی 38 سالہ خدمات سے ریٹائر منٹ کے آخری روز اتوار کی سہہ پہر لاس اینجلس سے پرواز کر کے آخری ٹیک آف کیا۔
طیارے میں ان کی صاحبزادی فرسٹ آفیسر تھیں۔ فلائٹ ریڈار نے اس سلسلے میں خصوصی نوٹیفکیشن جاری کیا۔
کپتان کرس بیلز نے اتوار کو ہوابازی کی دنیا میں 38 سالہ خدمات کا اختتام کیا، اتوار کو ان کی خدمات کا آخری دن تھا جب انہوں نے امریکا کی یونائیڈ ائیرلائن کی لاس اینجلس سے شکاگو کیلئے ایک اضافی خصوصی پرواز اُڑائی۔
پرواز یو ایل 1897 نے لاس اینجلس سے شکاگو کیلئے دوپہر 2 بجکر 20 منٹ پر ٹیک آف کیا۔ بوئنگ 787 ڈریم لائنر طیارے سے کرس بیلز کا یہ آخری ٹیک آف قرار پایا جس پر فلائٹ ریڈار میں خصوصی نوٹیفکیشن جاری کرتے ہوئے انہیں مبارکباد پیش کی۔
دلچسپ بات یہ کہ کپتان کرس بیلز کی صاحبزادی ایلے اس پرواز میں ان کی فرسٹ آفیسر تھیں۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
3 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
11 گھنٹے پہلے
