01 مئی ، 2023 
کراچی میں پستول نہ چلنے سے سیاسی کارکن قتل ہونے سے بچ گیا، سی سی ٹی وی سامنے آگئی
01 مئی ، 2023
کراچی کے علاقے بلدیہ ٹاؤن رشید آباد میں ٹارگٹ کلر کے ہاتھوں سیاسی کارکن قتل ہونے سے بال بال بچ گیا جبکہ واقعے کی سی سی ٹی وی منظر عام پر آگئی۔
فوٹیج میں نعیم نامی شخص کو گلی میں جاتے دیکھا جاسکتا ہے عقب سے مبینہ ٹارگٹ کلر ہیلمٹ پہنے دوڑتا ہوا آیا اور ملزم نے گولیاں چلانے کی کوشش کی لیکن گولی پھنس گئی، ملزم نے پھر سے پستول لوڈ کر کے گولی چلانے کی کوشش کی دوبارہ پستول نا چلی تو حملہ آور واپس بھاگ گیا۔
قاتلانہ حملے میں محفوظ رہنے والا محمد نعیم رشید آباد کا رہائشی ہے۔
سینیئر سپرٹنڈنٹ آف پولیس (ایس ایس پی) ویسٹ فدا حسین جانوری کا کہنا ہے کہ محمد نعیم نے چند روز قبل ایک سیاسی جماعت چھوڑ کر دوسری سیاسی جماعت میں شمولیت اختیار کی ہے، وقعے کی تفیتش کی جارہی ہے۔
