03 مئی ، 2023 
پاکستان
حکمنامے میں کہا گیا ہے کہ تمام شعبوں کے سربراہان ایکٹ کا نفاذ یقینی بنائیں، ادارہ اس وقت غیرمعمولی حالات سے گزر رہا ہے— فوٹو: فائل
پی آئی اے میں لازمی سروسز ایکٹ لاگو کر دیا گیا
03 مئی ، 2023
پاکستان انٹرنیشنل ائیرلائنز (پی آئی اے) میں لازمی سروسز ایکٹ لاگو کر دیا گیا۔
پی آئی اے کے چیف ایگزیکٹو آفیسر (سی ای او) کے دستخط سے احکامات جاری کر دیے گئے۔
حکم نامے میں کہا گیا ہے کہ تنخواہوں کی عدم ادائیگی پر قومی ائیرلائن کے آپریشن میں خلل ڈالاگیا، ملازمین پرفرائض کی انجام دہی کے لیے بھاری ذمہ داری عائد ہوتی ہے، پیشہ ورانہ ذمہ داریوں میں غفلت ایکٹ کے تحت جرم کے طور پر لیا جائے گا، کوئی بھی ملازم حکم عدولی کے باعث اپنے خلاف تادیبی کارروائی کا ذمہ دار ہوگا۔
حکمنامے میں کہا گیا ہے کہ تمام شعبوں کے سربراہان ایکٹ کا نفاذ یقینی بنائیں، ادارہ اس وقت غیرمعمولی حالات سے گزر رہا ہے، لازمی خدمات ایکٹ کا اطلاق صورتحال سے نمٹنے کا کام کر رہا ہے۔
