گرم موسم سے جسم پر کیا اثرات مرتب ہوتے ہیں؟

گرمی کی شدت میں ہر سال اضافہ ہو رہا ہے اور آنے والے برسوں میں درجہ حرارت مزید بڑھنے کا ہی امکان ہے۔

مگر سوال یہ ہے کہ گرم موسم سے انسانی جسم پر کیا اثرات مرتب ہوتے ہیں؟

حقیقت تو یہ ہے کہ بہت کم افراد کو علم ہوتا ہے کہ گرمی سے جسم پر کیا اثرات مرتب ہوتے ہیں۔

درجہ حرارت میں اضافہ ہوتا ہے تو جسم پر اس کے مختلف اثرات مرتب ہوتے ہیں جیسے پسینہ خارج ہونے لگتا ہے، تھکاوٹ یا نقاہت کا احساس ہوتا ہے اور پیاس بہت زیادہ محسوس ہونے لگتی ہے۔

گرمی کی شدت سے لڑنے میں مددگار آسان طریقے

ایسے متعدد طریقے ہیں جس سے آپ جسم کو گرمی کے اثر سے بچا سکتے ہیں۔

تو یہ جاننا ضروری ہے کہ گرم موسم کس طرح ہمارے جسم پر اثر انداز ہوتا ہے۔

جِلد

سورج کی روشنی میں موجود الٹرا وائلٹ شعاعوں میں زیادہ وقت گزارنے سے جِلد جل جاتی ہے جسے سن برن بھی کہا جاتا ہے۔

جسم کا جتنا حصہ سن برن کا شکار ہوگا، اتنا جِلد کے کینسر کا خطرہ بڑھ جائے گا۔

موسم گرما میں ان پھلوں کو غذا میں ضرور شامل کریں

ہم آپ کو موسم گرما کے اعتبار سے ایسے پھلوں کے بارے میں بتانے والے ہیں جسے روزانہ استعمال کر کے آپ کی جلد، بال اور صحت اچھی رہے گی

سورج کی الٹرا وائلٹ شعاعوں سے جِلدی خلیات کے ڈی این اے کو نقصان پہنچتا ہے۔

جب ڈی این اے کو نقصان پہنچتا ہے تو خلیات قابو سے باہر ہو جاتے ہیں جس سے جِلد کے کینسر کا خطرہ بڑھتا ہے۔

دماغ

اگر آپ کو بہت زیادہ گرمی لگ رہی ہو تو درست طریقے سے سوچنا بہت مشکل ہوتا ہے۔

منہ سے سانس لینے سے مرتب اثرات کے بارے میں جانتے ہیں؟

کیا آپ کو معلوم ہے کہ منہ کے ذریعے سانس لینے سے چہرے پر کیا اثرات مرتب ہوتے ہیں؟

تحقیقی رپورٹس سے ثابت ہوا ہے کہ شدید گرمی سے ذہنی کارکردگی متاثر ہوتی ہے۔

گرم موسم دماغی افعال کو تنزلی کا شکار کرتا ہے جبکہ غلط فیصلے کرنے کا امکان بڑھ جاتا ہے۔

ایک حالیہ تحقیق میں دریافت کیا گیا کہ معمول کے درجہ حرارت میں محض ایک ڈگری سینٹی گریڈ اضافے سے بھی ڈپریشن اور انزائٹی سے متاثر ہونے کا خطرہ بڑھ جاتا ہے۔

درجہ حرارت میں اضافے سے ایک دماغی کیمیکل سیروٹونین پر بھی منفی اثرات ہوتے ہیں، یہ کیمیکل مزاج کو خوشگوار رکھنے میں اہم کردار ادا کرتا ہے یا یوں کہہ لیں کہ غصے کو کنٹرول میں رکھتا ہے۔

مناسب مقدار میں پانی پینے کے فائدے حیران کر دیں گے

بظاہر عام سی عادت آپ کو متعدد طبی مسائل سے تحفظ فراہم کرسکتی ہے۔

یہ کیمیکل جِلد کے درجہ حرارت کے بارے میں تفصیلات دماغ کے اس حصے تک پہنچاتا ہے جو پسینے اور کپکپی جیسے ردعمل کو کنٹرول کرتا ہے۔

پسینہ

ہمارا جسم درجہ حرارت میں تبدیلی کو محسوس کرلیتا ہے اور اس کے مطابق تبدیلیاں لاتا ہے تاکہ جسمانی درجہ حرارت 37 ڈگری سینٹی گریڈ پر برقرار رہ سکے۔

اگر دماغ کو لگتا ہے کہ جسم گرم ہو رہا ہے تو اس کی جانب سے جِلد کے قریب موجود خون کی شریانوں کو پیغام بھیج کر کشادہ ہونے کا کہا جاتا ہے۔

آخر کچھ افراد کو بہت زیادہ پسینہ کیوں آتا ہے؟

جب جسم ٹھنڈا ہو جاتا ہے تو پسینہ بہنا رک جاتا ہے، تاہم کچھ افراد ایسے ہوتے ہیں جن کا پسینہ مسلسل بہت زیادہ مقدار میں بہتا ہے۔

اس سے جِلد کی سطح پر خون کی فراہمی بڑھتی ہے اور پسینے کا اخراج ہوتا ہے، جس سے جسمانی درجہ حرارت کم ہوتا ہے۔

مگر پسینہ گرمی کو کنٹرول کرنے والا کوئی مثالی نظام نہیں، جسمانی طور پر متحرک شخص 10 لیٹر تک پانی پسینے کی شکل میں خارج کر سکتا ہے اور اگر اس کمی کو پورا نہ کیا جائے تو جسم ڈی ہائیڈریشن کا شکار ہو جاتا ہے۔

ڈی ہائیڈریشن سے متاثر جسم کو پسینے سے خود کو ٹھنڈا کرنے میں زیادہ وقت لگتا ہے۔

اسی طرح اگر جسم بہت زیادہ گرم ہو جائے تو جِلد کے لیے خون کا بہاؤ اور پسینے کا اخراج دونوں تھم جاتے ہیں، جس سے جسمانی درجہ حرارت بڑھتا ہے اور دماغی خلیات کو ناقابل تلافی نقصان پہنچ سکتا ہے۔

وہ عام عادت جس سے گھٹنوں کے درد کو دور کرنا ممکن

گھٹنوں میں تکلیف کئی مسائل کا نتیجہ ہو سکتی ہے جیسے چوٹ لگنا، جوڑوں کے امراض یا گھٹنے کی بافتوں کا کوئی مسئلہ۔

پھیپھڑے

گرم موسم ہوا کے معیار پر اثرات مرتب کرتا ہے اور سانس لینا مشکل ہوتا ہے۔

زیادہ درجہ حرارت کے ساتھ عموماً ہوا تھم جاتی ہے جس سے آلودگی بھی فضا میں رک جاتی ہے۔

گاڑیوں یا دیگر صنعتی ذرائع سے خارج ہونے والی آلودہ گیسیں پھیپھڑوں کے افعال کو متاثر کرتی ہیں۔

اسمارٹ فون کے سامنے گھنٹوں گزارنے سے آنکھوں پر کیا اثرات مرتب ہوتے ہیں؟

اب اسمارٹ ڈیوائسز سے خود کو دور رکھنا ممکن نہیں کیونکہ روزمرہ کی زندگی کے متعدد کام ان سے جڑ گئے ہیں۔

ایک تحقیق میں دریافت کیا گیا کہ درجہ حرارت میں ہر ایک ڈگری سینٹی گریڈ اضافے سے دنیا بھر میں اضافی 22 ہزار افراد آلودگی کے باعث ہلاک ہو جاتے ہیں۔

تھکاوٹ

جب جسم گرمی کے اثرات پر قابو پانے میں ناکام ہوتا ہے اور جسمانی درجہ حرارت 38 ڈگری سینٹی گریڈ تک پہنچ جاتا ہے تو دماغ مسلز کو سست ہونے کا حکم دیتا ہے، جس سے تھکاوٹ کا احساس ہوتا ہے۔

تھکاوٹ کے ساتھ ساتھ سر چکرانے، شدید پیاس، متلی، دل کی دھڑکن کی رفتار تیز ہونے اور اعضا سن ہونے جیسی علامات کا سامنا بھی ہو سکتا ہے۔

کیا گرم موسم میں گہرے رنگ کا لباس پہننے سے زیادہ گرمی لگتی ہے؟

کیا یہ بات واقعی درست ہے کہ گہرے رنگ کے لباس زیادہ حرارت جذب کرتے ہیں جس سے گرمی زیادہ محسوس ہوتی ہے؟

اگر جسمانی درجہ حرارت کو کنٹرول نہ کیا جائے تو پھر جسم ہیٹ اسٹروک کا شکار ہو جاتا ہے اور جان کو بھی خطرہ لاحق ہوسکتا ہے۔

دل

جیسے جیسے جسمانی درجہ حرارت بڑھتا ہے، ویسے ویسے خون کی شریانیں پھیلنے لگتی ہیں اور اس سے بلڈ پریشر کی سطح کم ہوتی ہے جس کے باعث سر چکرانے کا احساس ہو سکتا ہے۔

بدترین کیسز میں جسم میں خون کا بہاؤ نمایاں حد تک کم ہو جاتا ہے جس سے شریانوں کو نقصان پہنچ سکتا ہے جبکہ ہارٹ اٹیک کا خطرہ بھی بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔