آپ کو دوسروں سے زیادہ ذہین ثابت کرنے والی عام عادات

عقلمند، حاضر جواب، ذی علم اور روشن دماغ لوگوں کی ذہانت کا تعین کرنے کے لیے استعمال ہونے والے چند الفاظ ہیں۔

لوگوں کی ذہانت کی سطح کا مکمل طور پر تعین کرنا اتنا سادہ عمل نہیں۔

مگر بیشتر ماہرین اس بات پر ضرور متفق ہیں کہ ذہین افراد میں چند عادات مشترک ہوتی ہیں۔

تو نیچے دی گئی ان عادات یا چیزوں کے بارے میں جانیں جو آپ کو دوسروں سے زیادہ ذہین ثابت کرتی ہیں۔

کچھ افراد کے بال 20 سال کی عمر میں ہی سفید کیوں ہونے لگتے ہیں؟

کم عمری یعنی 20 سال کی عمر کے بعد ہی اگر بال سفید ہونے لگے تو اس کی وجہ کیا ہوتی ہے؟

توجہ مرکوز کرنا

جو افراد کسی چیز پر زیادہ وقت تک توجہ مرکوز رکھتے ہیں اور ان کا دھیان کسی اور چیز کی جانب بھٹکتا نہیں، وہ بہت زیادہ ذہین ہوتے ہیں۔

یہ دعویٰ ایک تحقیق میں سامنے آیا تھا جس کے مطابق ذہین افراد کی توجہ اہم ترین تفصیلات پر ہوتی ہیں اور غیر اہم چیزیں پر وہ توجہ مرکوز نہیں کرتے۔

رات گئے تک جاگنے والے

لندن اسکول آف اکنامکس اینڈ پولیٹیکل سائنس کی ایک تحقیق میں عندیہ دیا گیا تھا کہ جو لوگ رات گئے تک جاگنے کے عادی ہوتے ہیں وہ زیادہ آئی کیو لیول کے حامل ہوتے ہیں۔

گرم موسم سے جسم پر کیا اثرات مرتب ہوتے ہیں؟

بہت کم افراد کو علم ہوتا ہے کہ گرمی سے جسم پر کیا اثرات مرتب ہوتے ہیں۔

محققین کا ماننا تھا کہ یہ انسانی ارتقا کا نتیجہ ہے۔

دیگر ماہرین کا کہنا ہے کہ 9 سے 5 بجے کی روایتی ملازمت سے ہٹ کر رات گئے تک کام کرنے والے افراد کو تنوع اور تخلیق کا زیادہ موقع ملتا ہے کیونکہ ان کے کام کے دوران مداخلت کم ہوتی ہے۔

بہت زیادہ تجسس

Journal of Individual Differences میں شائع ایک تحقیق میں دریافت کیا گیا کہ جو لوگ آئی کیو ٹیسٹ میں زیادہ اسکور حاصل کرتے ہیں وہ بچپن سے چیزوں کے بارے میں بہت زیادہ تجسس بھی رکھتے ہیں۔

منہ سے سانس لینے سے مرتب اثرات کے بارے میں جانتے ہیں؟

کیا آپ کو معلوم ہے کہ منہ کے ذریعے سانس لینے سے چہرے پر کیا اثرات مرتب ہوتے ہیں؟

ذہانت اور تجسس ہمیشہ ایک ساتھ چلتے ہیں اور ہر طرح کے سوالات کے جوابات کی تلاش ذہین افراد کو پریشان کیے رکھتی ہے۔

اپنی کم علمی کو چھپاتے نہیں

ذہین افراد کسی موضوع کے بارے میں لاعلمی کا اعتراف کرلیتے ہیں اور یہ کہنے سے گھبراتے نہیں کہ 'مجھے اس بارے میں علم نہیں'، تاکہ اس بارے میں جان سکیں۔

بہت زیادہ فکر مند رہتے ہیں

تحقیقی رپورٹس کے مطابق اکثر فکرمند رہنے والے افراد مخصوص حوالوں سے زیادہ ذہین ہوتے ہیں۔

مناسب مقدار میں پانی پینے کے فائدے حیران کر دیں گے

بظاہر عام سی عادت آپ کو متعدد طبی مسائل سے تحفظ فراہم کرسکتی ہے۔

ایک تحقیق میں بتایا گیا کہ جو لوگ فکرمند رہتے ہیں اور مسلسل چیزوں کے حل کے بارے میں سوچتے رہتے ہیں، وہ ذہانت کے امتحانات میں زیادہ اسکور حاصل کرتے ہیں۔

چیزوں کی ترتیب کی فکر نہیں ہوتی

ایک تحقیق میں بتایا گیا کہ ذہین افراد کے اردگرد چیزیں بکھیری رہتی ہیں اور اس سے ان کی تخلیقی صلاحیت بہتر ہوتی ہے۔

ایک اور تحقیق میں دریافت کیا گیا کہ افراد کی توجہ اپنے مقاصد پر مرکوز ہوتی ہے اور اس سے ہٹ کر انہیں چیزوں کی پروا نہیں ہوتی، تو ان کا سامان ہمیشہ بکھرا رہتا ہے۔

وہ عام عادت جس سے گھٹنوں کے درد کو دور کرنا ممکن

گھٹنوں میں تکلیف کئی مسائل کا نتیجہ ہو سکتی ہے جیسے چوٹ لگنا، جوڑوں کے امراض یا گھٹنے کی بافتوں کا کوئی مسئلہ۔

زیادہ محنت کرنے سے گریز

ایسا نہیں کہ سستی ذہانت کی نشانی ہے مگر بیشتر ذہین افراد اپنی صلاحیت کو بہتر بنانے کے لیے اتنی محنت نہیں کرتے، جتنے اوسط ذہانت کے حامل افراد کرتے ہیں۔

ایک تحقیق کے مطابق بہت زیادہ ذہین افراد دیگر کے مقابلے میں زیادہ آسانی سے چیزیں سیکھ لیتے ہیں یا انہیں فکر ہی نہیں ہوتی کہ دوسروں سے پیچھے رہنے سے کیا ہوگا۔

جسمانی وزن متعدل ہوتا ہے

ایک تحقیق میں بتایا گیا کہ جسمانی وزن جتنا زیادہ ہوگا، ذہنی صلاحیت اتنی کم ہوگی۔

اچھی نیند کے حصول کے لیے مددگار بہترین غذائیں

بے خوابی ایک ایسا مسئلہ ہے جس کا سامنا دنیا بھر میں کروڑوں افراد کو ہوتا ہے۔

ایک اور تحقیق کے مطابق بہت کم یا بہت زیادہ جسمانی وزن کے حامل افراد ذہنی آزمائش کے امتحانات میں کم اسکور حاصل کرتے ہیں۔

اچھی حس مزاح

ایک تحقیق کے مطابق ذہین افراد کی حس مزاح بہت اچھی ہوتی ہے۔

درحقیقت ایسے افراد دیگر کے مقابلے میں لوگوں کو زیادہ ہنسانے کی صلاحیت رکھتے ہیں۔

اسمارٹ فون کے سامنے گھنٹوں گزارنے سے آنکھوں پر کیا اثرات مرتب ہوتے ہیں؟

اب اسمارٹ ڈیوائسز سے خود کو دور رکھنا ممکن نہیں کیونکہ روزمرہ کی زندگی کے متعدد کام ان سے جڑ گئے ہیں۔

اپنے آپ میں مگن رہتے ہیں

سنگاپور منیجمنٹ یونیورسٹی اور لندن اسکول آف اکنامکس کی تحقیق میں بتایا گیا کہ بہت زیادہ ذہین افراد اس وقت زندگی سے زیادہ خوش نہیں ہوتے جب انہیں لوگوں سے زیادہ گھلنا ملنا پڑتا ہے۔

روزمرہ کے کام ٹالتے رہتے ہیں

بیشتر ذہین افراد روزمرہ کے کاموں کو ٹالنے کے عادی ہوتے ہیں کیونکہ وہ زیادہ اہم چیزوں کو پہلے کرنا پسند کرتے ہیں۔

خودکلامی

اگر آپ خود سے باتیں کرنے کے عادی ہیں تو یہ بھی ذہانت کی ایک نشانی ہوسکتی ہے۔

ہارٹ اٹیک کی وہ نشانیاں جو چند ہفتوں پہلے نظر آنے لگتی ہیں

ہارٹ اٹیک کی مخصوص علامات ہوتی ہیں جن کو محسوس کرکے لوگ فوری طبی امداد کے لیے رجوع کر سکتے ہیں۔

امریکا کی وسکنسن یونیورسٹی کی ایک تحقیق میں دریافت کیا گیا تھا کہ جو لوگ خودکلامی کرتے ہیں وہ چیزوں کو زیادہ بہتر طریقے سے یاد رکھ پاتے ہیں۔

زیادہ وقت بیٹھ کر گزارتے ہیں

ایک تحقیق کے مطابق زیادہ سوچ بچار کرنے والے افراد جسمانی طور پر زیادہ متحرک نہیں ہوتے۔

محققین کے خیال میں ایسے افراد ذہنی طور پر اپنے کام سے بیزار نہیں ہوتے اور وقت ضائع کرنے کی بجائے انہیں کرنے کو ترجیح دیتے ہیں۔

وہ اثرات جو روزانہ چائے پینے سے جسم پر مرتب ہوتے ہیں

ہر سال 21 مئی کو اقوام متحدہ کے زیرتحت چائے کا عالمی دن منایا جاتا ہے۔

بہن بھائیوں میں سب سے بڑے

جرنل آف ہیومین ریسورسز میں شائع ایک تحقیق میں بتایا گیا کہ گھر میں سب سے بڑے بچے کو دیگر بچوں کے مقابلے میں 'ذہنی سبقت' حاصل ہوتی ہے اور اس کا آئی کیو لیول زیادہ ہوسکتا ہے۔

تحقیق کے مطابق اس کی وجہ یہ ہے کہ والدین کی جانب سے پہلی اولاد کو زیادہ توجہ دی جاتی ہے جس سے ذہنی نشوونما کا عمل زیادہ بہتر ہوتا ہے۔

کچھ افراد کے ہاتھوں کی رگیں بہت زیادہ ابھری ہوئی کیوں ہوتی ہیں؟

یہ کوئی طبی مسئلہ نہیں مگر کچھ افراد کو لگتا ہے کہ اس سے ان کے ہاتھ بدصورت ہوگئے ہیں یا بڑھاپا ظاہر ہورہا ہے۔

یادداشت اچھی ہوتی ہے

ذہین افراد کی یادداشت عموماً کافی اچھی ہوتی ہے۔

اچھی یادداشت کا مطلب یہ ہوتا ہے کہ ان کے دماغی افعال درست طریقے سے کام کر رہے ہیں اور ایک سے دوسرے کام پر آسانی سے منتقل ہو جاتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔