04 جون ، 2023 
پاکستان
چیئرمین پی ٹی آئی کی تقریریں سن کرذہن سازی ہوئی، سانحہ 9مئی میں ملوث شرپسندکا اعتراف
04 جون ، 2023
9 مئی کو جناح ہاؤس لاہور پر حملے میں ملوث ایک اور شر پسند قانون کی تحویل میں آگیا اور ملزم نے اپنے جرم کا اعتراف بھی کرلیا ۔
سانحہ 9 مئی کی شرانگیزی میں شامل رئیس احمد کا تعلق سوات، ضلع شانگلہ سے ہے۔
شرپسند رئیس احمد نے اپنے اعترافی بیان میں بتایا کہ وہ 9 مئی کو عمران خان کی گرفتاری کے بعد زمان پارک میں پی ٹی آئی کے بنائے گئے منصوبے کے مطابق ڈاکٹر یاسمین راشد کی قیادت میں کور کمانڈر ہاؤس لاہور پہنچا۔
رئیس احمد کے مطابق اس کے بعد جناح ہاؤس پر توڑ پھوڑ کی،گملے توڑے اور پی ٹی آئی ورکرز کے ساتھ مل کر آگ جلائی۔
رئیس احمد کا یہ بھی کہنا تھا کہ ایک سال سے عمران خان کی فوج کے خلاف مسلسل تقریریں سُن سُن کے فوج کے خلاف ذہن سازی ہوگئی تھی۔
