07 جون ، 2023 
سینٹرل پولیس آفس لاہور میں جعلی خاتون انسپکٹر ساتھیوں سمیت گرفتار
07 جون ، 2023
سینٹرل پولیس آفس (سی پی او) لاہور میں مسلح ہو کر آنے والی جعلی اسسٹنٹ سپرنٹنڈنٹ آف پولیس (اے ایس پی) خاتون کو ساتھیوں سمیت گرفتار کر لیا گیا۔
پولیس ذرائع کے مطابق ملزمہ مریم سی پی او میں جعلی اے ایس پی بن کر آئی تھی، ملزمہ مریم گیٹ پر انسپکٹر جنرل (آئی جی) پولیس سے ملاقات کا بتا کر اندر پہنچی۔
ذرائع کا کہنا ہے کہ مریم نے پوسٹنگ کے لیے ملاقات کے لیے سکیورٹی حکام کو آگاہ کیا، خاتون کے ساتھ جبران علی، شاہ زیب اور شاہ میر نامی ساتھی تھے۔
پولیس ذرائع کا بتانا ہے کہ اعلیٰ افسر کے پوچھ گچھ کرنے پر خاتون مشکوک پائی گئی جس پر جعلی پولیس افسر بن کر سی پی او آنے والی خاتون کو ساتھیوں سمیت گرفتار کر لیا گیا۔
پولیس حکام کے مطابق ملزمان سے پستول اور8 گولیاں بھی برآمد ہوئیں، ملزمان کو تھانہ انارکلی اور خاتون کو خواتین پولیس اسٹیشن منتقل کر دیا گیا ہے۔
مزید خبریں :
شیخ رشید صدر زرداری کے قتل کی سازش کے کیس سے بری
1 گھنٹے پہلے
پنجاب اسمبلی نے ترمیمی زرعی انکم ٹیکس بل منظور کرلیا
10 گھنٹے پہلے
