بی جے پی نے بھارت کو گاندھی کے قاتل گوڈسے کے بھارت میں تبدیل کر دیا ہے: محبوبہ مفتی
08 جون ، 2023
مقبوضہ کشمیر کی سابق وزیراعلیٰ محبوبہ مفتی نے بھارت کی ہندو انتہا پسند حکمران جماعت بھارتیہ جنتا پارٹی (بی جے پی) کو تنقید کا نشانہ بناتے ہوئے کہا ہے کہ بی جے پی نے گاندھی کے بھارت کو گاندھی کے قاتل نتھورام گوڈسے کے بھارت میں تبدیل کر دیا ہے۔
سری نگر میں میڈیا سے گفتگو کرتے ہوئے مقبوضہ کشمیر کی سابق وزیراعلیٰ محبوبہ مفتی کا کہنا تھا کہ بی جے پی نے اپنے ہندوتوا ایجنڈے کے لیے مقبوضہ جموں و کشمیر کو تجربہ گاہ بنا رکھا ہے۔
محبوبہ مفتی کا یہ بھی کہنا تھا کہ بی جے پی بھارت میں ہندوتوا نظریہ آگے بڑھانے کے لیے پہلے اس کا تجربہ مقبوضہ جموں و کشمیر میں کرتی ہے۔
سابق وزیر اعلیٰ مقبوضہ جموں و کشمیر کا کہنا تھا کہ بی جے پی نے گاندھی کے بھارت کو گاندھی کے قاتل نتھو رام گوڈسے کے بھارت میں تبدیل کر دیا ہے۔
یاد رہے کہ نتھو رام گوڈسے نے 30 جنوری 1948 کو نئی دہلی میں ایک دعائیہ تقریب میں مہاتما گاندھی کو قتل کیا تھا۔
